Einelti?

Það er athyglisvert að sjá að það eru ekki einungis forpokaðir karlar í "Frjálslynda" flokknum heldur líka enn forpokaðri kerlingar. Gæti hugsast að Margrét hafi sagt sig úr þessum slæma félagsskap af því að hún passaði ekki inn í hópinn?

Vantrausti lýst á Margréti Sverrisdóttur

R.I.P.

Yfirleitt hlakkar í mér þegar allt fer í klúður hjá Sjöllunum. Í þetta sinn hef ég samúð með góða gamla Villa sem marar nú í hálfu kafi og enginn virðist ætla að bjarga frá drukknun. Vonandi tekur hann Binga með sér í leiðinni.

Nú verður heldur ekki hjá því komist að skoða aðra stóra samninga sem líklega hafa verið undirritaðir af borgarstjóranum fyrrverandi án yfirlestrar. Mætti t.d. benda á byggingarfyrirtækið Eykt í því sambandi sem er að ganga af göflunum á horni Borgartúns og Höfðatúns við lítinn fögnuð borgarbúa í nærliggjandi hverfum.

Minnist þess ekki að hafa séð minnisblaðið

5,8 % óminni

Athygli mína vekur að samkvæmt könnun Fréttablaðsins segjast 5,8 % Reykvíkinga enn styðja Framsóknarflokkinn og þá væntanlega Björn Inga í leiðinni. Í ljósi atburða síðustu daga finnst mér þetta nokkuð athyglisvert. Alvarleg spillingarmál virðast þar af leiðandi ekki hafa mikil áhrif á eftirstandandi 3800 fylgismenn flokksins. Annað hvort er þetta fólk í óminni inni á elliheimilum eða á sjálft hagsmuna að gæta.

Björn Ingi segist ekkert hafa vitað af stórri eign áhrifamanna úr Framsóknarflokknum í Geysir Green Energy. Hann vissi m.ö.o. ekkert af hagsmunum VGK og HRV í þessu sambandi. Trúi því þeir sem trúa vilja, en þá er Bingi engill í mafíósalíki og illa að sér í ofanálag.

Nýr meirihluti nýtur stuðnings 56,5% borgarbúa samkvæmt könnun

Eru þetta fulltrúar okkar?

Það er svo sannarlega tímabært að þessi hagsmunatengsl komi upp á yfirborðið. Áhrifamenn í Framsóknarflokknum eru mjög stórtækir í fyrirtækjum sem hafa hagnast verulega á byggingu Kárahnjúkavirkjunar og Hellisheiðarvirkjun, s.s. HRV, verkfræðistofan Hönnun og tengd fyrirtæki með Eyjólf Árna Rafnsson í fararbroddi.

Reyndar þyrfti í leiðinni að kanna hagsmunatengsl við menn innan Sjálfstæðisflokksins en sú skoðun myndi örugglega leiða margt áhugavert í ljós...

Áhrifamenn í Framsókn hluthafar

LÆRIÐ AF REYNSLUNNI

Ég óska hinum nýja borgarstjóra góðs gengis í starfi sínu en vona að hann líti vandlega yfir farinn veg og haldi ekki áfram á sömu braut og R-listinn sálugi. Þá útrýminarherferð gamalla húsa í miðbæ Reykjavíkur sem lögð var blessun yfir í valdatíð R-listans þarf að stöðva og í stað þess að leggja drög að enduruppbyggingu húsanna svo að sómi sé að. Einnig þarf að breyta út af þeirri ömurlegu stefnu að láta umferðaræðar skera í sundur hverfi og leyfa fólki að komast á milli staða á vistvænan hátt. Hringbrautin er ömurlegt minnismerki um R-listann og það að einkabíllinn hefur fengið forgang fyrir fólkinu. Nú er tækifæri til að viðurkenna mistökin og gera betur.

Félagshyggjan er komin til valda í Reykjavík

EKKI EFTIR NEINU AÐ BÍÐA

Umræðan um Ísland og ES hefur því miður verið á lágu plani. Fólk virðist skiptast í tvær jafn stórar andstæðar fylkingar og margir hafa myndað sér skoðun á málinu án þess að kostir og gallar hafi verið skoðaðir vel og vandlega. Stjórnmálamenn hafa því miður ekki heldur haft þroska til að ræða þetta af mikilli skynsemi og bera því ábyrgð með framtaksleysi sínu og hugleysi. Á stundum er eins og um einhverns konar trúarbrögð sé að ræða því að flokkarnir hafa ákveðið stefnuna, punktur og basta. Ef betur er að gáð eru hins vegar ólíkar skoðanir innan flokkanna þó svo að reynt sé að láta eins og allir tali einum rómi.

Tvö einstök atriði hafa helst verið í brennipunkti þegar ES-aðild kemur til tals. Annað snýst um yfirráð yfir auðlindum okkar í hafinu umhverfis landið og hitt snýst um að taka upp Evru í stað krónu. Það eru hins vegar tugir ef ekki hundruðir annara atriða sem þyrfti að skoða vandlega í undirbúningsferli eða aðildarviðræðum og er í raun skelfilegt að umræðan hafi ekki komist úr startholunum enn. Sem dæmi má nefna áhrifaleysi okkar á þá löggjöf sem þing Evrópusambandsins ákveður en við erum bundin af samkvæmt EES-samningnum. Í ofanálag hafa íslenskir þegnar, félög og fyrirtæki ekki beinan aðgang að dómskerfi EFTA ef þeir telja á sér brotið samkvæmt Evrópulögum, ólíkt þegnum ES-ríkja. Þannig eru þegnar landsins í raun algjörlega annars flokks hvað varðar lög og reglur og í mun erfiðari aðstöðu að ná fram rétti sínum þegar yfirvöld gerast brotleg.

Að mínu mati þarf að koma þessari umræðu af stað hér og nú og gera ráð fyrir að framtíð Íslands innan ES sé raunhæfur möguleiki. Til að byrja með mætti binda gengi krónunar við Evruna líkt og gert hefur verið í Danmörku, en með því móti væri allavega hægt að snúa við ef í ljós kæmi að sú ráðstöfun skapaði erfiðari vandamál en þau sem nú er verið að glíma við. Hvað fiskveiðistjórnun varðar þá kæmi það væntanlega ekki í ljós fyrr en í aðildarviðræðum hvort að Íslendingar fengju að halda fullum yfirráðum yfir lögsögunni.

Ef við höldum áfram að bíða og sjá til þá mun okkur á endanum vera ýtt út í djúpu laugina og þá gæti samningsstaða Íslands orðið harla veik. Vinnum þetta mál af yfirvegun og skynsemi.

Aðildarviðræður að ESB gætu tekið hálft ár

Af hverju sýnir RÚV ekki myndina?

Fáar heimildamyndir síðustu ára hafa notið meiri athygli en mynd sú frá
árinu 2006 sem eignuð er Al Gore og nefnist "An inconvenient truth" eða
"Óþægilegur sannleikur". Það hlýtur að vekja nokkra furðu að Sjónvarp
"allra landsmanna" hefur ekki séð ástæðu til að sýna áhorfendum sínum
þessa mynd. Hins vegar fannst dagskrárstjóranum á þeim bæ áríðandi að
sýna aðra og áróðurskenndari mynd sem nefnist "The great global warming
swindle" þar sem reynt er með öllum brögðum að gera lítið úr hlýnun
andrúmsloftsins af manna völdum. Að vísu sýndu þeir mynd í 2 hlutum
eftir David Attenborough sem fjallaði um þessi mál en samt hljóta menn
að spyrja af hverju ekki mynd Als Gore?

Al Gore og loftslagsnefnd SÞ hljóta friðarverðlaun Nóbels

Ber er hver að baki nema að sér bróður eigi

Ég trúi því að Steingrímur Hermannsson láti sig ekki vanta við útför Sri Chinmoys. Ekki er loku fyrir það skotið að hlutverk forsætisráðherrans fyrrverandi sem lyftingarlóð á Lækjartorgi hafi aukið með þjóðinni þrótt og dáð. Allavega ber okkur að sýna hinum látna friðarsinna vott um bræðralag og virðingu.

Sri Chinmoy látinn

Eitrað peð?

Skyldi góði gamli Villi ekki sjá eftir því núna að hafa hryggbrotið
Ólaf F.? Björn Ingi var líklega sætasta stelpan á ballinu í þá daga en eins og
dæmin sanna er stundum betra að notast við þær sem gera sama gagn.
Spurning hversu lengi ástarbrími Binga og hins nýja meirihluta tórir.

Dagur boðar til blaðamannafundar við Ráðhúsið

Gefum Binga frí !

Ekki væri úr vegi að rifja aðeins upp síðustu borgarstjórnarkosningar og það hvernig exbé með Björn Inga í broddi fylkingar rétt tókst á síðustu metrunum að ná inn einum manni. Ógrynni fjár hafði verið ausið í auglýsingar og andlit Binga var orðið innbrennt í tölvuskjái landsmanna. Engin furða að verðlauna þurfti Rúnar Hreinsson, þáverandi kosningarstjóra flokksins með allsæmilegum kauprétti í hinu sameinaða orkuútrásarfyrirtæki, enda ekki svo slæm hugmynd að bjóða nokkrum fátækum innflytjendum fría ferð í strætó með pitsu og vasapening í ofanálag gegn smá greiða?

Björn Ingi var í augum sumra vonarstjarna Framsóknarflokksins. Hann var þessi ungi og röggsami stjórnmálamaður sem þeir þurftu að finna, alveg laus við þumbarahátt Halldórs og forneskjulegt yfirbragð Guðna. Aðrir álitu hann spilltan tækifærissinna af verstu gerð og töldu hann hafa meiri áhuga á eigin frama en málefnum borgarinnar.

Nú hefur það heldur betur komið í ljós að góði gamli Villi valdi sér heldur óáreiðanlegan meðreiðarsvein. Bingi hefur verið ósmeykur að moka undir eigin rass og hefur samkvæmt heimildum DV um þreföld mánaðarlaun borgarstjórnarfulltrúa með setu í ófáum nefndum og ráðum, eða um 1.350 þúsund á mánuði. Þarna er að sjálfsögðu einungis talað um þær greiðslur sem þola að sjá dagsins ljós.

Meirihlutinn í borgarstjórn fundar um niðurstöðu sjálfstæðismanna