Lobbi

Ég hlustaði Guðmund Ólafsson, sérlegan álitsgjafa Morgunútvarpsins, á Rás 2 í morgun. Þar reyndi hagfræðingurinn að gera lítið úr þekkingu Bjarkar á Magma-málinu og AGS og talaði oftar en einu sinni um söngkonur og aflraunamenn með niðrandi tón.

Nú hef ég fylgst býsna vel með þessu tiltekna máli og aðdraganda þess og að mínu mati hefur Björk látið hafa eftir sér mun skynsamlegri ummæli en t.d. Guðmundur hagfræðingur. Satt best að segja finnst mér málflutningur Guðmundar ósköp léttvægur. Reyndar finnst mér það fyrir neðan allar hellur að fræðimaður við HÍ skuli tala á þennan hátt niður til fólks í Ríkisútvarpinu og það án þess að þáttastjórnendur æmti eða skræmti.

Sem dæmi um hæpinn málflutning Guðmundar nefni ég ummæli hans um Magma Energy Sweden. Hann fullyrti að hér væri um eðlilegt fyrirtæki að ræða og sagði að hugtakið "skúffufyrirtæki" ætti alls ekki við. Rökstuðningur hans var sá að fyrirtækið væri ekki stofnað til þess að svíkja undan skatti. Fyrirtæki með engan starfsmann og engan rekstur er semsagt fullgott í augum Guðmundar til að ráðstafa auðlindum á Íslandi í mannsaldur eða lengur.

 

Er kannski kominn tími til að Morgunútvarpið finni sér annan "sérfróðan" álitsgjafa í stað Lobba?

Ranglega haft eftir Björk

Skuldanesbær

Böðvar Jónsson heitir formaður bæjarráðs Reykjanesbæjar og einn fulltrúa Sjálfstæðisflokksins í sveitastjórninni. Í gær tjáði hann sig um Magma málið í viðtali við Stöð 2 og sagði m.a. orðrétt:

"Ef að ríkið ætlar að grípa inn í þessi viðskipti, fullkomlega eðlilegu viðskipti sem fara fram með, með, samkvæmt íslenskum lögum og leikreglum, að þá mun auðvitað Reykjanesbær kanna rétt sinn gagnvart ríkinu og slíkum inngripum."

Reykjanesbær rambar á barmi gjaldþrots og er á meðal 10 sveitarfélaga á gjörgæsludeild eftirlitsnefndar um fjármál sveitarfélaga. Halli hefur verið af almennri starfsemi sveitarfélagsins hvert einasta ár síðan 2002. Flestar verðmætar eignir hafa verið seldar á þessum árum, s.s. skólar, menningar- og íþróttamannvirki, til þess að fjármagna halla af reglubundnum rekstri bæjarsjóðsins.

Ummæli Böðvars dæma sig sjálf og líklega sér hann heldur ekkert athugavert við þetta. Kjósendur í vor virðast hins vegar ekki hafa haft fyrir að kynna sér átakanlega frammistöðu meirihlutans í sveitarstjórninni og Árna Sigfússonar, bæjarstjóra. Íbúar sveitarfélagsins sitja því eignalitlir uppi með menn eins og Böðvar og Árna, auk skulda upp á 30 milljarða og ábyrgðar upp á 9,5 milljarða sem þeir seint verða borgunarmenn fyrir. Meira en helmingur kjósenda tóku böðlunum fagnandi þegar þeir buðust til að klára verkið.

Björk: Magma vinnur með AGS

Börn og fullorðnir þakka fyrir kærkomna hjálp

 

 

 

 

 

 

Börn í vélarvana báti

Stjórnsýslugrín

Nefnd um erlenda fjárfestingu er grátt grín. Helst virðist henni ætlað að taka erfiðar ákvarðanir fyrir ráðamenn með valkvíða. Þar sitja 5 einstaklingar, pólitískt skipað fólk sem á að úrskurða um lagaleg ágreiningsefni sem varða fjárfestingar erlendra aðila í auðlindum og flugrekstri. Enginn nefndarmannanna er lögfræðimenntaður sem segir vissulega sína sögu um nefndir sem þessar.

Í tilfelli Magma var nokkuð fyrirsjáanlegt að fulltrúar Sjálfstæðisflokksins og Framsóknarflokksins myndu gefa grænt ljós. Fulltrúar VG og Borgara/Hreyfingar komust að öndverðri niðurstöðu. Það varð því hlutskipti fulltrúa Samfylkingarinnar,  Unnar G. Kristjánsdóttur, fatahönnuðar og myndmenntakennara frá Sandgerði, að úrskurða í einu heitasta og mikilvægasta deilumáli síðustu ára. Ekki öfunda ég Unni af því hlutskipti.

Þess vegna er það vissulega mikið áhyggjuefni að ríkisstjórnin skuli enn einu sinni ætla að skjóta ákvörðun á frest og forðast að taka pólitíska ábyrgð. Hún ætti einfaldlega að fara að kröfum þeirra fjörmörgu sem sett hafa nafn sitt undir áskorunina á www.orkuaudlindir.is. Þar er skorað á stjórnvöld að koma í veg fyrir söluna á HS Orku og jafnframt skorað á Alþingi að láta fara fram þjóðaratkvæðagreiðslu um eignarhald á orkuauðlindum Íslands og nýtingu þeirra.

Það er einfaldlega nóg komið af vanhæfri stjórnsýslu á Íslandi.

 

Telur Magma-niðurstöðu rétta

Ómar lands og þjóðar

Við Íslendingar erum heppin þjóð að eiga að mann eins og Ómar. Á löngum ferli sem þó er fráleitt lokið hefur maðurinn verið algjörlega óstöðvandi að gleðja okkur öll og uppfræða. Slíkt er raunar ómetanlegt og því er það sérlega ánægjulegt að svo margir sýni það í verki með að taka þátt í þessari afmælisgjöf.

Til hamingju!

Þekkti Friðrik ekki neitt

Gamall vindhani

Nokkuð sérstök ummæli hjá þessum fyrrum vindhana. Við máttum reyndar eiga von á þeim eftir allt það sem undan er gengið.

Steingrímur: Átti von á þessari niðurstöðu

Norræn velferð í algleymingi

 Hvar verður partýið haldið, Steingrímur?

Tilmælin standa

Mikið verk framundan

Það er gleðiefni að Guðrún Pétursdóttir skuli hafa verið kjörin formaður stjórnlaganefndar. Þessari nefnd er ætlað stórt og mikilvægt hlutverk sem er m.a. að kalla til þjóðfundar um efni nýrrar stjórnarskrár. Ljóst er að leiðin verður löng og ströng en ríkisstjórnin virðist fullkomlega vanmeta þann tíma og fjármagn sem verkefninu er ætlað.

Þó svo að stjórnlaganefnd sé ekki ætlað að semja nýja stjórnarskrá mun hún hafa talsvert um það að segja hvaða málaflokkar verði teknir til umfjöllunar. Í því sambandi er vert að rifja upp hugmyndir þær sem Guðmundur Alfreðsson, prófessor við háskólann í Strassboug og einn af okkar virtustu fræðimönnum tiltók í þættinum "Stjórnskipun lýðveldisins" frá 15. mars 2009. Hér er stutt yfirlit yfir þessa málaflokka, en röðin skiptir ekki máli:

1. Þrískipting valdsins - skýrari afmörkun og styrking dómsvalds og löggjafarvalds gagnvart framkvæmdavaldinu.
   
   
2. Rannsóknarnefndir - þingið gæti kallað eftir rannsókn um ákveðið efni - fundir haldnir fyrir opnum tjöldum.
   
   
3. Kjördæmaskipting - landið eitt eða fleiri kjördæmi - einmenningskjördæmi?
   
   
4. Ráðherrar - ráðherrar ættu ekki að sitja á þingi að mati Guðmundar.
   
   
5. Forsætisráðherra - ætti hann að vera kosinn beint? - Guðmundur telur að það gæti veikt þrískiptinguna.
   
   
6. Forsetaembættið - neitunarvaldið.
   
   
7. Þjóðaratkvæðagreiðslur - ákveðinn hluti þjóðarinnar eða ákveðinn hluti þingmanna gæti krafist þjóðaratkvæðagreiðslu um ákeðin efni.
   
   
8. Dómstólar og skipun dómara - hversu mörg dómsstig? - stjórnarskrárdómstóll? - Guðmundur telur að sérfræðinganefnd ætti að meta hæfi umsækjenda, ráðherra að skipa og aukinn meirihluti Alþingis að staðfesta.
   
   
9. Umboðsmenn og mannréttindaráð - tryggja þarf sjálfstæði umboðsmanna og setja reglur um skipun þeirra.
   
   
10. Skipun embættismanna - tryggja þarf að hæfi og reynsla ráði frekar en pólitísk tengsl.
    
    
11. Jafnréttis- og mannréttindareglur - gagnsæi og aðgangur að opinberum gögnum.
    
    
12. Þjóðkirkjan - aðskilnaður ríkis og kirkju - jafnrétti milli trúarbragða.
    
    
13. Náttúruauðlindir - fullveldis- og eignaréttur.
    
    
14. Umhverfismál - stefnuyfirlýsing.
    
    
15. Aðlild að yfirþjóðlegum stofnunum - ESB eða öðrum - á að setja skilyrði um aukinn meirihluta í atkvæðagreiðslu?
    
    
16. Breytingar á stjórnarskrá - skoða þarf skilyrði um þátttöku í atkvæðagreiðslum.

Guðmundur sagði einnig um fyrirhugað stjórnlagaþing:

"Mér finnst allt of lítill tími ætlaður til stjórnlagaþings. Ég gæti ímyndað mér að það tæki einhverjar vikur eða mánuði bara fyrir þingið að skrifa sér fundarsköp, ákveða nefndarskipanir, ákveða hvað þyrfti að kanna frekar ofan í kjölinn og safna upplýsingum frá öðrum löndum. Þetta eru margir málaflokkar og stórir þótt að yrði ekki farið yfir nema suma þeirra. Það á að gera þetta vel, það á ekki að kasta að þessu höndunum og mér þætti ekkert ólíklegt að svona þing þyrfti að starfa í, ekki bara eitt ár, heldur tvö eða þrjú ár. Og þar að auki...það þarf líka að setja miklu skýrari reglur eða hugmyndir á borðið um það hvernig eigi svo að halda áfram sambandinu við þjóðina - hvernig eigi að halda fundi út um allt land með sveitarfélögum, með hagsmunasamtökum, með sérfræðingahópum o.s.frv. Ég horfi þá til Suður-Afríku þar sem var mjög gott skipulag og kerfi á þessu og mikil sátt um framkvæmdina, og ég held að það þurfi að búa til eitthvað svipað fyrirkomulag hérna á Íslandi. Þetta verði ekki bara eitthvað 40 eða 60 manna þing sem lokar sig inni í einhverja mánuði og afgreiðir eitthvað. Það þarf miklu meiri og víðtækari umræðu í þjóðfélaginu þannig að það yrði samstaða um þetta nýja og vonandi mjög góða skjal."

"Þetta er mikið mál að standa í. Mér finnst peningunum vel varið. Ef okkur tekst að búa hérna til betra, réttlátara, skilvirkara þjóðfélag, þá er þessum peningum tvímælalaust vel varið og algjört aukaatriði að vera að slást um það hvort það kosti einhvern einn eða tvo eða þrjá milljarða."

www.samfelagssattmali.is

Guðrún formaður stjórnlaganefndar

Meirihluti nefndar áhugamanna hunsaði sérfræðiálit

Elvira Méndez Pinedo, dr. í Evrópurétti og dósent við Háskóla Íslands mætti fyrir nefnd um erlenda fjárfestingu og lagði fram upplýsingar sem hún setti einnig á bloggsíðu sína, sjá hér.

Að mati Elviru er verið að misnota reglugerð EES til þess að sniðganga íslensk lög. Hún lítur svo á að Evrópulöggjöfin sé í eðli sínu hlutlaus og að það sé hreint ekki í anda laganna að samþykkja sýndargjörning þann sem settur var á svið með aðstoð lögfræðistofu í Svíþjóð.

Einhverra hluta vegna kaus meirihluti nefndarinnar að líta framhjá áliti Elviru sem þó verður að teljast einn fremsti sérfræðingur þjóðarinnar á sviði Evrópuréttar.

 

Kanadamenn á hinu gráa EES-svæði

Spyr sá sem ekki veit

Ég verð að segja að mér finnst einkennilegur tónn vera í þessu útspili hjá Bjarna og flokknum hans. Tekinn hefur verið sá póll í hæðina að berjast gegn aðildarviðræðunum sem meiri hluti Alþingis samþykkti fyrir nokkrum mánuðum síðan. Til stendur að láta þjóðina sjálfa vega það og meta hvort hag okkar væri betur borgið innan ESB eða utan eftir því hvernig samningur myndi bjóðast. Samkvæmt stefnu Sjálfstæðisflokksins er enginn samningur skárri en samningur sem þjóðin fengi sjálf að kjósa um. Telur Bjarni að almenningi sé hreinlega ekki treystandi til að taka svo mikilvægar ákvarðanir um eigin hag?

Það sem vantar í þessa framtíðarsýn Sjálfstæðisflokksins er hvað koma skuli í staðinn. Er verið að bjóða upp á óbreytt ástand? Meira af því sama? Íslensku krónuna um ókomin ár? Verðtryggingu og lán á okurvöxtum? Áframhaldandi samning við EES eða ekki? Annars konar ríkjasamband? Hvað eru Bjarni og félagar eiginlega að bjóða fólki upp á? Spyr sá sem ekki veit.

Umsókn Íslands verði dregin til baka