Fleiri "grænar" götur

Góður leikur hjá umhverfis- og samgönguráði. Það þarf að styðja við hjólreiðafólk með ráðum og dáð, og auka öryggi þeirra sem velja svo hægverskan ferðamáta. Gera mætti tilraun með "grænar" götur þar sem umferð vélknúinna ökutækja (annarra en rafmagnsbíla) yrði verulega takmörkuð. Einnig vonast ég til þess að notkun nagladekkja í Reykjavík verði takmörkuð eða gerð óaðlaðandi með leyfisskyldu. Það er lýðheilsumál að losna við tjöruryk af völdum nagladekkjanotkunar.

 

Suðurgata verður einstefnugata að hluta

Horfum til tækifæranna

Tillaga um að  Ísland dragi umsókn sína um aðild að Evrópusambandinu til baka yrði því miður hvorki þingi né þjóð til framdráttar. Eins og sjá má hér er útilokað að tillagan fengist samþykkt en samkvæmt minni talningu myndu líklegast 36 þingmenn leggjast á móti henni og einhverjir sitja hjá.

Það er staðreynd að aðildarviðræðuferlið við ESB er formlega hafið. Hins vegar eru hinar raunverulegu aðildarviðræður enn sem komið er ekki hafnar og því full ástæða til að móta vel þær óskir sem Ísland mun leggja fram í þeim viðræðum. 

Ég skora á þingmenn að nýta fremur tíma sinn til að leggja þessum aðildarviðræðum lið en að nota hvert tækifæri sem gefst til að tala gegn þeim og senda út þau skilaboð að við höfum ekkert við ESB að ræða.

Sjálfur sting ég upp á því að Ísland geri kröfu um "loftbrú" milli Íslands og Evrópu líkt og aðrir eyjaskeggjar innan ESB njóta. Íbúar á Kanaríeyjum borga t.d. einungis hálft fargjald þegar þeir ferðast á milli Spánar og Kanaríeyja. Mér finndist það sanngjörn krafa að Íslendingar sem aðildarþjóð væru ekki einangraðir hér sökum hárra fargjalda og í verri aðstöðu til að ferðast innan ESB.

Einnig sting ég upp á að hér yrði komið á fót miðstöð náttúruauðlinda innan ESB með áherslu á sjálfbæra nýtingu og að settar yrðu upp rannsóknarmiðstöðvar á  sviðum sjávarlífríkis og jarðhita.

Óbreytt afstaða til ESB

Áætlunarflug?

"Þoturnar munu verða óvopnaðar og ekki búnar til að bera skotfæri. Því verður hægt að skrá þær sem borgaraleg flugför. Þær verða ekki notaðar til neinna heræfinga í íslenskri lofthelgi."

Það er vissulega ánægjulegt að einhverjum "ónefndum embættismönnum" finnist þeir þurfa að deila vitneskjunni um samningaviðræður íslenskra stjórnvalda með blaðamönnum Financial Times. Ríkisstjórnin leggur jú áherslu á gegnsæi og að hafa allt uppi á borðinu. Allt embættismannakerfið leggur sig vafalaust fram við að framfylgja þeirri stefnu.

En ætli það hafi komið til tals að láta ECA sjá um áætlunarflug til Vestmannaeyja? 

 

 

 

Nærri samþykki með skilyrðum

Til hvers eru ungliðahreyfingar?

Ég velti því fyrir mér hver sé tilgangur ungliðahreyfinga eins og UVG. Er tilgangurinn sá að sýna aðhald gagnvart viðkomandi flokki og forystu hans, að berjast fyrir hagsmunum ungs fólks eða einfaldlega að vera stökkpallur inn í heim stjórnmálanna?

Hér má sjá pistlaskrif á heimasíðu UVG. Hvergi sé ég minnst einu orði á eitt mesta hitamál sumarsins, orkuauðlindamálið. Reyndar sé ég lítið minnst á umhverfismál yfirleitt. UVG-liðar virðast heldur ekki hafa miklar áhyggjur af máli 9-menninganna sem eiga yfir höfði sér fangelsisvist fyrir það eitt að mótmæla í húsakynnum Alþingis. Ekki sé ég heldur neitt skrifað um ósamstæðar fylkingar innan VG sem vart geta setið saman á fundum. Er því ekki ástæða til að velta vöngum yfir því hvort að félagsskapur UVG sé til skrauts eða hafi yfirleitt nokkurn tilgang?

Að því sögðu óska ég nýkjörnum formanni UVG á höfuðborgarsvæðinu til hamingju með embættið og hvet hana til dáða.

www.orkuaudlindir.is

Nýr formaður Ungra vinstri grænna á höfuðborgarsvæðinu

Skrifa strax undir á orkuaudlindir.is

Það er augljóst að ríkisstjórnin hefur misst stjórn á atburðarrásinni og að orkuinnrásarvíkingar gefa henni langt nef. Við smáfólkið, verðum að mótmæla þessu og skrifa undir strax:

www.orkuaudlindir.is

 

Hér eru ótal önnur rök fyrir því að eitthvað misjafnt sé á seyði.

Umboðslaus rannsóknarnefnd

Hverjar eru óskirnar?

Nú hljóma fregnir um að aðildarviðræður við ESB séu í raun aðlögunarferli. Lítið hefur hins vegar farið fyrir haldbærum útskýringum um það í hverju sú aðlögun sé fólgin eða hvort og hvenær hún muni eiga sér stað.

Vert er að hafa í huga að hinar eiginlegu aðildarviðræður eru enn ekki hafnar þó svo að formlega hafi ferlið byrjað í lok júlí, sjá hér. Það verður ekki fyrr en á næsta ári að sest verður að samningaborðinu.

Ég vona innilega að fólk sýni þessu mikilvæga máli áhuga og skoði sjálft kosti þess og galla að taka fullan þátt í Evrópusambandinu. Ótímabærar upphrópanir eru því miður þær sem hæst hafa hljómað hingað til.

Í samningaferli er það venjan að setja markið hátt og reyna að fá sem hægstæðasta útkomu. Hvernig væri að kasta fram hugmyndum sem gagnast myndu einangraðri þjóð á einstakri náttúruperlu, langt frá öðrum ríkjum ESB?

Það er holur hljómur í málflutningi þeirra stjórnmálamanna sem í aðra röndina boða aukið lýðræði en berjast fyrir því á sama tíma að íslenskir kjósendur fái ekki að taka afstöðu til mögulegrar aðildar í þjóðaratkvæðagreiðslu.

Vilja endurskoða stöðuna

Hver er vilji þjóðarinnar?

Nú hefur Jóhanna Sigurðardóttir látið hafa það eftir sér að 15% kjósenda þurfi að skrifa undir áskorun til þess að þjóðaratkvæðagreiðsla skuli fara fram. Sjálfur álít ég að 10% kjósenda væri sanngjarnara viðmið en það er vissulega hægt að hafa ólíkar skoðanir á því.

Þeir sem enn ekki hafa undirritað áskorun um að stjórnvöld komi í veg fyrir söluna á HS Orku og  Alþingi láti fara fram þjóðaratkvæðagreiðslu um eignarhald á orkuauðlindum Íslands og nýtingu þeirra ættu að velta fyrir sér sinni eigin ábyrgð. Ef fólk hefði haft rænu á að koma í veg fyrir einkavinavæðingu bankanna á sínum tíma hefði hér margt farið á annan veg. Hins vegar hafði almenningur ekki vítin til að varast þau líkt og nú. Einkavæðing orkuauðlindanna og orkuútrásin er næst á dagskrá og margt sem hljómar kunnuglega:

 

Nokkrar staðreyndir um sölu á HS Orku til Magma

 

Með sölunni á HS Orku til Magma Energy Sweden er verið að framselja nýtingarrétt af mikilvægum auðlindum í heilan mannsaldur eða jafnvel lengur. Salan er í meira lagi vafasöm vegna þess að:

 

1. Magma sniðgengur íslensk lög – sænskt málamyndafyrirtæki sett á svið
2. meiri hluti kaupverðsins er fenginn að láni innanlands (kúlulán)
3. lánið er með óverulegum vöxtum (1,5%)
4. reiðufé er greitt með “aflandskrónum”
5. veð er tekið í bréfunum sjálfum
6. öðrum kaupendum var hafnað án viðræðna
7. óljóst er hvort verðmætir kolefniskvótar hangi á spýtunni
8. Magma hefur enga þekkingu á rekstri sem þessum
9. ábyrgð ef Magma fer í þrot skilin eftir hjá almenningsfyrirtækjunum HS Veitum og Orkuveitu Reykjavíkur.
10. hlutur OR var seldur með gífurlegu tapi (9 milljarðar?) á grundvelli úrskurðar Samkeppniseftirlitsins sem m.a. vitnaði í bandarísk lög. OR neitar að birta gögn sem málinu tengjast.

 

Hér kveður því við kunnuglegan tón. Auk þess blasir við að undirbúningur stjórnvalda var og er algjörlega ófullnægjandi. Fjölmargar áleitnar spurningar mætti betur ígrunda:

 

• Hafa verið settar skorður við að orkunýtingin verði ekki of ágeng? Nei.
• Er búið að setja ákvæði um auðlindagjald í samningana? Nei.
• Er búið að setja ákvæði sem takmarka verðhækkanir á orku til neytenda? Nei.
• Er búið að setja ákvæði sem takmarka tímalengd samningsins? Nei.
• Eru takmarkanir á sölu til þriðja aðila, t.d. Alcoa eða Rio Tinto? Nei.
• Langtíma sýn og langtíma áætlun. Er hún einhver? Varla, en Magma vill tvöfalda orkuframleiðslu á Reykjanesi á næstu 5 árum. Auk þess hafa þeir nú þegar lýst yfir áhuga á að virkja á mörgum öðrum stöðum á landinu, t.d. í Kerlingafjöllum.

 

Umræðan er á villigötum. Þetta er fyrst og fremst pólitískt ágreiningsefni fremur en lagalegt. Þjóðin hefur ekki fengið tækifæri til að segja sína skoðun og ríkisstjórnin hefur ekki dug til að takast á við þetta mikilvæga mál. Þetta snýst öðru fremur um leikreglur, siðferði og tilgang með nýtingu auðlindanna og það hversu langt þjóðin vill ganga á þau gæði sem náttúra landsins býr yfir. 

 

Því miður (eða sem betur fer) verður ekki hjá því komist að láta rannsaka allt ferlið í kringum einkavæðingu Hitaveitu Suðurnesja og aðkomu Geysir Green Energy að sölu á HS Orku til Magma Energy. Ekki er hægt að líta framhjá himinháum “styrkjum” til stjórnmálaflokka á sama tíma og Glitnir og GGE voru að bera í víurnar um að kaupa hlut ríkisins í Hitaveitu Suðurnesja. Hlut Orkuveitu Reykjavíkur í REI málinu þarf einnig að upplýsa þó svo að tekist hafi að stöðva það í tæka tíð. Varpa þarf ljósi á aðkomu bæjarfulltrúa og helstu stjórnenda umræddra fyrirtækja á það hvernig markvisst hefur verið unnið að því að færa yfirráð á auðlindum frá opinberum aðilum til útvaldra einkafyrirtækja. 

 

www.orkuaudlindir.is

 

18 þúsund undirskriftir

Í dag frá kl. 13.30

Ég endurbirti hér færslu mína frá í gær og minni fólk á að baráttan er farin að hafa áhrif. Í dag frá kl. 13.30 verður glæsileg dagskrá fjölmargra listamanna fyrir framan fangelsið á Skólavörðustíg þar sem safnað verður áskorunum á stjórnvöld að koma í veg fyrir söluna á HS Orku og að Alþingi láti fara fram þjóðaratkvæðagreiðslu um eignarhald á orkuauðlindum Íslands og nýtingu þeirra.

 

-

 

 

 

Nokkrar staðreyndir um sölu á HS Orku til Magma

 

Með sölunni á HS Orku til Magma Energy Sweden er verið að framselja nýtingarrétt af mikilvægum auðlindum í heilan mannsaldur eða jafnvel lengur. Salan er í meira lagi vafasöm vegna þess að:

 

1. Magma sniðgengur íslensk lög – sænskt málamyndafyrirtæki sett á svið
2. meiri hluti kaupverðsins er fenginn að láni innanlands (kúlulán)
3. lánið er með óverulegum vöxtum (1,5%)
4. reiðufé er greitt með “aflandskrónum”
5. veð er tekið í bréfunum sjálfum
6. öðrum kaupendum var hafnað án viðræðna
7. óljóst er hvort verðmætir kolefniskvótar hangi á spýtunni
8. Magma hefur enga þekkingu á rekstri sem þessum
9. ábyrgð ef Magma fer í þrot skilin eftir hjá almenningsfyrirtækjunum HS Veitum og Orkuveitu Reykjavíkur.
10. hlutur OR var seldur með gífurlegu tapi (9 milljarðar?) á grundvelli úrskurðar Samkeppniseftirlitsins sem m.a. vitnaði í bandarísk lög. OR neitar að birta gögn sem málinu tengjast.

 

Hér kveður því við kunnuglegan tón. Auk þess blasir við að undirbúningur stjórnvalda var og er algjörlega ófullnægjandi. Fjölmargar áleitnar spurningar mætti betur ígrunda:

 

• Hafa verið settar skorður við að orkunýtingin verði ekki of ágeng? Nei.
• Er búið að setja ákvæði um auðlindagjald í samningana? Nei.
• Er búið að setja ákvæði sem takmarka verðhækkanir á orku til neytenda? Nei.
• Er búið að setja ákvæði sem takmarka tímalengd samningsins? Nei.
• Eru takmarkanir á sölu til þriðja aðila, t.d. Alcoa eða Rio Tinto? Nei.
• Langtíma sýn og langtíma áætlun. Er hún einhver? Varla, en Magma vill tvöfalda orkuframleiðslu á Reykjanesi á næstu 5 árum. Auk þess hafa þeir nú þegar lýst yfir áhuga á að virkja á mörgum öðrum stöðum á landinu, t.d. í Kerlingafjöllum.

 

Umræðan er á villigötum. Þetta er fyrst og fremst pólitískt ágreiningsefni fremur en lagalegt. Þjóðin hefur ekki fengið tækifæri til að segja sína skoðun og ríkisstjórnin hefur ekki dug til að takast á við þetta mikilvæga mál. Þetta snýst öðru fremur um leikreglur, siðferði og tilgang með nýtingu auðlindanna og það hversu langt þjóðin vill ganga á þau gæði sem náttúra landsins býr yfir. 

 

Því miður (eða sem betur fer) verður ekki hjá því komist að láta rannsaka allt ferlið í kringum einkavæðingu Hitaveitu Suðurnesja og aðkomu Geysir Green Energy að sölu á HS Orku til Magma Energy. Ekki er hægt að líta framhjá himinháum “styrkjum” til stjórnmálaflokka á sama tíma og Glitnir og GGE voru að bera í víurnar um að kaupa hlut ríkisins í Hitaveitu Suðurnesja. Hlut Orkuveitu Reykjavíkur í REI málinu þarf einnig að upplýsa þó svo að tekist hafi að stöðva það í tæka tíð. Varpa þarf ljósi á aðkomu bæjarfulltrúa og helstu stjórnenda umræddra fyrirtækja á það hvernig markvisst hefur verið unnið að því að færa yfirráð á auðlindum frá opinberum aðilum til útvaldra einkafyrirtækja. 

 

www.orkuaudlindir.is

Magma býður ríkinu forkaupsrétt

Er sama hvaðan "gott" kemur?

Fróðlegt væri að vita hvernig viðskipti fyrirtækið stundar í Chile og bera það saman við eftirfarandi staðreyndir:

 

 

Nokkrar staðreyndir um sölu á HS Orku til Magma

 

Með sölunni á HS Orku til Magma Energy Sweden er verið að framselja nýtingarrétt af mikilvægum auðlindum í heilan mannsaldur eða jafnvel lengur. Salan er í meira lagi vafasöm vegna þess að:

 

1. Magma sniðgengur íslensk lög – sænskt málamyndafyrirtæki sett á svið
2. meiri hluti kaupverðsins er fenginn að láni innanlands (kúlulán)
3. lánið er með óverulegum vöxtum (1,5%)
4. reiðufé er greitt með “aflandskrónum”
5. veð er tekið í bréfunum sjálfum
6. öðrum kaupendum var hafnað án viðræðna
7. óljóst er hvort verðmætir kolefniskvótar hangi á spýtunni
8. Magma hefur enga þekkingu á rekstri sem þessum
9. ábyrgð ef Magma fer í þrot skilin eftir hjá almenningsfyrirtækjunum HS Veitum og Orkuveitu Reykjavíkur.
10. hlutur OR var seldur með gífurlegu tapi (9 milljarðar?) á grundvelli úrskurðar Samkeppniseftirlitsins sem m.a. vitnaði í bandarísk lög. OR neitar að birta gögn sem málinu tengjast.

 

Hér kveður því við kunnuglegan tón. Auk þess blasir við að undirbúningur stjórnvalda var og er algjörlega ófullnægjandi. Fjölmargar áleitnar spurningar mætti betur ígrunda:

 

• Hafa verið settar skorður við að orkunýtingin verði ekki of ágeng? Nei.
• Er búið að setja ákvæði um auðlindagjald í samningana? Nei.
• Er búið að setja ákvæði sem takmarka verðhækkanir á orku til neytenda? Nei.
• Er búið að setja ákvæði sem takmarka tímalengd samningsins? Nei.
• Eru takmarkanir á sölu til þriðja aðila, t.d. Alcoa eða Rio Tinto? Nei.
• Langtíma sýn og langtíma áætlun. Er hún einhver? Varla, en Magma vill tvöfalda orkuframleiðslu á Reykjanesi á næstu 5 árum. Auk þess hafa þeir nú þegar lýst yfir áhuga á að virkja á mörgum öðrum stöðum á landinu, t.d. í Kerlingafjöllum.

 

Umræðan er á villigötum. Þetta er fyrst og fremst pólitískt ágreiningsefni fremur en lagalegt. Þjóðin hefur ekki fengið tækifæri til að segja sína skoðun og ríkisstjórnin hefur ekki dug til að takast á við þetta mikilvæga mál. Þetta snýst öðru fremur um leikreglur, siðferði og tilgang með nýtingu auðlindanna og það hversu langt þjóðin vill ganga á þau gæði sem náttúra landsins býr yfir. 

 

Því miður (eða sem betur fer) verður ekki hjá því komist að láta rannsaka allt ferlið í kringum einkavæðingu Hitaveitu Suðurnesja og aðkomu Geysir Green Energy að sölu á HS Orku til Magma Energy. Ekki er hægt að líta framhjá himinháum “styrkjum” til stjórnmálaflokka á sama tíma og Glitnir og GGE voru að bera í víurnar um að kaupa hlut ríkisins í Hitaveitu Suðurnesja. Hlut Orkuveitu Reykjavíkur í REI málinu þarf einnig að upplýsa þó svo að tekist hafi að stöðva það í tæka tíð. Varpa þarf ljósi á aðkomu bæjarfulltrúa og helstu stjórnenda umræddra fyrirtækja á það hvernig markvisst hefur verið unnið að því að færa yfirráð á auðlindum frá opinberum aðilum til útvaldra einkafyrirtækja. 

 

www.orkuaudlindir.is

Magma fjárfestir í Chile

Tilmæli

Ég var rétt í þessu að senda eftirfarandi tilmæli til fulltrúa Bláskógabyggðar <[e-mail]> og Heilbrigðiseftirlits Suðurlands <[e-mail]>:

 

Góðan dag.

Ég er eigandi sumarbústaðar í landi Heiðarbæjar og greiði fyrir þjónustu vegna tæmingar á rotþró. Hafandi fylgst með fréttum af framferði Holræsa- og stífluþjónustu Suðurlands ehf vil ég koma á framfæri þeirri skoðun minni að ykkur beri umsvifalaust að svipta þetta fyrirtæki og/eða eiganda þess starfsleyfi.

Í öllu falli get ég alls ekki sætt mig við ef þessi þjónusta verður áfram keypt af sömu aðilum.

Vinsamlegast staðfestið að tilmæli mín verði tekin til umfjöllunar.

Með kveðju,

 

„Það er skítalykt af þessu frá a til ö“