Dýrt verður það

Sjálfstæðisflokkurinn verður þjóðinni dýrkeyptur áður en yfir lýkur. Hagstjórn a la Hannes Hólmsteinn, óhæfir embættismenn og ráðherrar sem sofa á verðinum - þingmenn sem kyngja hverju sem er. Eiginhagsmunagæsla, valdapot, spilling og siðleysi.

Árni Mathiesen hefur sjálfsagt haldið að hinn breski starfsbróðir hafi bara hringt til að heyra hvernig gengi og sýna vandamálum Íslendinga áhuga. Það er eins og hann hafi ekki hugleitt það að orð hans gætu orðið svo afdrifarík og dýr. Svo segir maðurinn ekki einu sinni af sér!

Nú er svo unnið með hraði að sameiningu BYR, SPRON og SPKEF. Ríkið ætlar að leggja 20 miljarða af almannafé í þann gjörning en Árni fjármálaráðherra er einn af eigendum BYR, sjá hér. Lesið endilega það sem Gunnar Axel skrifar um þessar svikamyllur.

Vissi ekki um tilboð Breta vegna Landsbankans

Athugasemdir

[Úrsúla Jünemann, 8.12.2008 kl. 10:25]

Árni hefur svo sannarlega skilið þann titil "versti bankamaður heims". Það gerist ekki verra.

[Predikarinn - Cacoethes scribendi , 8.12.2008 kl. 11:24]

Sæll. Þetta boð mun hafa komið fram í viðræðum bankamálaráðherra Samfylkingarinnar Björgvins G. og Fjármálaeftirlitssins sem heyrir undir hann við þá bresku. Ekki við Árna að sakast þar sem þessar viðræður hafa ekki verið bornar undir hann, enda á verksviði bankamálaráðherrans.

[Sigurður Hrellir, 8.12.2008 kl. 11:40]

Það hefur komið berlega í ljós að ráðamenn tala lítið saman og virðast vera með hugann við margt annað en það sem þeim var treyst fyrir. Það er vissulega við Árna að sakast þó svo að Björgvin geti vel átt sinn þátt. Þeir ættu báðir að hafa sagt af sér fyrir löngu síðan!