Kærufrestur er opinn

Nú er lag fyrir kjósendur og stuðningsmenn Miðflokksins í Suðurkjördæmi að kæra framboð Birgis til ógildingar kjörbréfs. Undirbúningsnefnd kjörbréfanefndar fundar stíft þessa dagana og þyrfti að taka slíkar kærur til meðferðar. Birgir viðurkenndi sjálfur í hádegisfréttum RÚV að hafa hugsað sér til hreyfings fyrir kjördag og ef það telst ekki verulegur ágalli á framboði hans og kosningu þá er nú fokið í felst skjól. Hæpið er að stjórnarskrárákvæði um þingmenn eigi við um Birgi þar til kjörbréf hafa verið staðfest.

 

Úr lögum um kosningar til Alþingis nr. 24/2000


118. gr. Nú kærir einhver kjósandi að þingmann er kosningu hlaut skorti einhver kjörgengisskilyrði eða að framboðslisti hafi verið ólöglega framboðinn eða kosinn svo að ógilda beri kosninguna, og skal hann þá innan fjögurra vikna frá því að kosningaúrslit voru auglýst, en þó áður en næsta Alþingi kemur saman, senda dómsmálaráðuneytinu kæru í tveimur samritum. Dómsmálaráðuneytið sendir þegar í stað umboðsmönnum framboðslistans annað samritið en hitt skal lagt fyrir Alþingi þegar í þingbyrjun.

Úr 120. gr. 
 Ef þeir gallar eru á framboði eða kosningu þingmanns sem ætla má að hafi haft áhrif á úrslit kosningarinnar úrskurðar Alþingi kosningu hans ógilda og einnig án þess ef þingmaðurinn sjálfur, umboðsmenn hans eða meðmælendur hafa vísvitandi átt sök á misfellunum, enda séu þær verulegar. Fer um alla þingmenn, kosna af listanum, eins og annars um einstakan þingmann ef misfellurnar varða listann í heild.


mbl.is Eyddi sumarfríinu í kosningabaráttuna
Tilkynna um óviðeigandi tengingu við frétt

Ég ákæri...!

Í gærkvöldi fór ég með vini mínum í Bíó Paradís að sjá myndina "Ég ákæri...!" eftir Roman Polanski. Myndin er að mínu mati mjög vel heppnuð og ekki spillti fyrir að hún fjallar um raunverulega atburði; réttlæti, siðferði og fordóma. Mynd eins og þessi væri ekki endilega á dagskrá annarra kvikmyndahúsa í Reykjavík sem öll eru utan miðborgarinnar.

Eftir sýninguna heyrði ég þær slæmu fréttir að starfsfólki kvikmynahússins hefði verið sagt upp og að óvíst væri með framhald starfseminnar. Eigendur hússins sem Bíó Paradís er í vilja losna við bíóið eða hækka leiguna gríðarlega. Þetta eru sömu menn og hafa mokað til sín ómældum fjármunum gegnum fjárfestingarfélagið Gamma meðan sturlaður uppgangur var á fasteignamarkaði. Nú reynir á hvort þeir séu menningarlega sinnaðir eða bara dæmigerðir gróðapungar. Samkvæmt frétt á Vísi eru þetta bræðurnir Gísli og Arnar Haukssynir, faðir þeirra, Haukur Halldórsson og svo einnig Pétur Árni Jónsson, eigandi Viðskiptablaðsins. Hér með er skorað á þá að sýna úr hverju þeir eru gerðir. Þetta er nefnilega líka spurning um réttlæti fyrir borgarbúa og gott siðferði.


mbl.is Leigusali vill þrefalda leiguverðið
Tilkynna um óviðeigandi tengingu við frétt

Dusilmenni

Á flestum ef ekki öllum vinnustöðum landsins eru gerðar þær lágmarkskröfur til fólks að það sýni ekki af sér hegðun á borð við þá sem Gunnar Bragi Sveinsson og Bergþór Ólason urðu uppvísir að. Hvaða fyrirtæki sem er hefði einfaldlega rekið þá á dyr fyrir óafsakanlega hegðun, niðrandi umtal um vinnufélaga sína og ýmsa þjóðfélagshópa. Í leiðinni afhjúpuðu þeir svo ósmekklegt plott sem gekk út á að fá tvo þingmenn úr Flokki fólksins til liðs við Miðflokkinn. Gunnar Bragi myndi víkja úr sæti þingflokksformanns enda taldi hann sig hafa fengið loforð um sendiherrastöðu, greiði fyrir greiða.

Sú virðing sem viðhöfð er í þingsal, að fólk ávarpi hvort annað með orðunum háttvirtur eða hæstvirtur, er í besta falli hláleg ef þessi óheiðarlegu dusilmenni fá að taka sæti eins og ekkert hafi í skorist, emjandi yfir óréttlæti í sinn garð. Og áður en við vitum eru þeir orðnir ráðherrar eða sendiherrar, delerandi enn á ný á dimmum börum á kostnað íslenskra skattborgara, okkur öllum til skammar.


mbl.is Gunnar og Bergþór aftur á þing
Tilkynna um óviðeigandi tengingu við frétt

Nýja stjórnarskráin er forsenda sáttar og trausts

Enn eina ferðina horfir fólk forviða á ráðamenn þjóðarinnar sýna yfirlæti og hroka. Sömu ráðamenn og hafa í rúm 6 ár hunsað ákall eftir nýrri stjórnarskrá og afgerandi stuðning í þjóðaratkvæðagreiðslu. Þar er skýrt kveðið á um skyldur ráðherra gagnvart þingi og þjóð:

93. gr. Upplýsinga- og sannleiksskylda.

Ráðherra er skylt að veita Alþingi eða þingnefnd allar upplýsingar, skjöl og skýrslur um málefni sem undir hann heyra, nema leynt skuli fara samkvæmt lögum.

Þingmenn eiga rétt á upplýsingum frá ráðherra með því að bera fram fyrirspurn um mál eða óska eftir skýrslu, samkvæmt nánari fyrirmælum í lögum.

Upplýsingar sem ráðherra veitir Alþingi, nefndum þess og þingmönnum skulu vera réttar, viðeigandi og fullnægjandi.

Gleim-mér-ey


mbl.is Þegar þú ert boðaður þá mætir þú
Tilkynna um óviðeigandi tengingu við frétt

Spilað með almenning og almannahag

Það er áhugavert að lesa þessa frétt og minna sig í leiðinni á það að HS-orka var orkufyrirtæki í almannaeigu, selt með málamyndagjörningi til milljarðamæringsins Ross Beatty, þrátt fyrir bænaskjal undirritað af næstum 50 þúsund Íslendingum sem vildu láta stöðva söluna og láta fara fram þjóðar­at­kvæðagreiðslu um eign­ar­hald á orku­auðlind­um Íslands og nýt­ingu þeirra.
 
Samkvæmt því sem hér kemur fram er nú búið að selja íslenskum lífeyrissjóðum næstum helming fyrirtækisins og þar með íslenskum almenningi. Nú er HS-orka sem sagt einkafyrirtæki í eigu fjárfesta og lífeyrissjóða og þá er ýmislegt hægt sem forstjóranum finnst eðlilegt og rétt:
Í sam­töl­um sveit­ar­stjórn­ar og Vest­ur­verks [HS-orku] var rætt um hvernig fyr­ir­tækið gæti stutt sam­fé­lagið. Hug­mynd­ir að öll­um þeim verk­efn­um sem nefnd hafa verið hafa komið frá heima­mönn­um. Sum þeirra tengj­ast beint vænt­an­leg­um fram­kvæmd­um, svo sem lagn­ing þrífasa raf­magns og ljós­leiðara og end­ur­bæt­ur á hafn­ar­svæði. Önnur má skil­greina sem sam­fé­lags­verk­efni“.
 
Það má öllum vera ljóst að örlítið og afskekkt sveitarfélag norður á Ströndum á erfitt með að standast slík gylliboð frá stöndugu orkufyrirtæki. Það er greinilega búið að kaupa sér velvild oddvitans og fleira fólks sem kýs þá væntanlega að líta á væntanlega virkjun sem tækifæri frekar en náttúruspjöll. Mér finnst heldur lágt lagst af Kristni H. Gunnarssyni fyrrum alþingismanni að elta uppi fólk sem flutt hefur lögheimili sitt heim í hérað til að standa vörð um íslenska náttúru. Sama má segja um þá ráðamenn sem senda lögreglu heim til fólks til að snuðra og spyrja spurninga um fjölskylduhagi og einkamál fólks. Það er greinilegt að ekki er sama hver á í hlut, Steingrímur J., Sigmundur Davíð eða sauðsvartur almúginn.

Undirskriftir afhentar

mbl.is Vesturverk í meirihlutaeigu Íslendinga
Tilkynna um óviðeigandi tengingu við frétt

Auðræðistilburðir

Nú eru ýmsir fjölmiðlar búnir að endursegja mörgum sinnum sömu fréttina af "málamyndalögheimilisflutningi" nokkurra Íslendinga. En hvenær koma fréttirnar af orkufyrirtækinu sem stolið var úr almannaeigu með málamyndagjörningi (skúffufyrirtæki í Svíþjóð) þrátt fyrir bænaskjal til forsætisráðherra með næstum 50 þús. undirskriftum? Sama fyrirtæki greiðir nú þjónustu lögfræðinga til að koma vilja sínum fram með aðstoð oddvita Árneshrepps og óvita. Það er ýmist hrækt eða migið á almannaviljann á Íslandi líkt og berlega kom í ljós eftir síðustu þjóðaratkvæðagreiðslu.


mbl.is Háskólanemar sem fluttu lögheimili
Tilkynna um óviðeigandi tengingu við frétt

Fólk getur flutt hvert sem því sýnist

Er það ekki dæmigert fyrir yfirvöld og stofnanir að þau skuli fyrst bregðast við þegar óbreyttur pöpullinn tekur til sinna ráða?

Þá væri ekki úr vegi að rifja upp að sumir helstu ráðamenn þjóðarinnar hafa gengið fram með vafasömu fordæmi, leynt og ljóst, og skráð lögheimili sín á landsbyggðinni búandi á höfuðborgarsvæðinu, trúlega til að fá enn hærri greiðslur úr ríkissjóði.

Ónefndir “efnamenn” og forsetafrúr hafa einnig skráð lögheimili sín erlendis til að borga lægri skatta þó þau nýti sér þjónustu hér á landi. Eftirlitsaðilar og opinberar stofnanir hafa látið þetta að mestu afskiptalaust. En það er líklega ekki sama hver brýtur lög eða sýnir skort á siðferði, það sýna fjölmörg dæmi.

Auðvitað ætti fólk bara að fylgja fordæmi Sigmundar Davíðs og annarra slíkra “heiðursmanna”; að flytja lögheimilið þangað sem fólki líkar best og geyma spariféð sitt á góðum stað. Ef ráðamenn komast upp með að fara á svig við lög og reglur, er ekki hægt að ætlast til að almennir borgarar fylgi öðrum viðmiðum.


mbl.is Föst búseta grundvöllur lögheimilis
Tilkynna um óviðeigandi tengingu við frétt

Tengillinn á söfnunina

 

https://www.karolinafund.com/project/view/1976

Svona var ástandið á húsunum fyrir nokkrum árum síðan.

Nú þarf ykkar hjálp við að reka endahnútinn á uppbygginguna.

 

Að hruni komin


mbl.is Listasafn á hjara veraldar
Tilkynna um óviðeigandi tengingu við frétt

Sóðalegur yfirgangur

Nú vilja eigendur gamla friðaða hússins við Veghúsastíg láta áminna þann starfsmann borgarinnar sem sagði þá láta húsið drabbast niður. Húsið hefur verið í niðurníðslu árum saman. Myndin hér að neðan er frá því í mars 2011 og greinilegt að ekkert hefur verið gert sl. 7 ár. Eigendur hússins eiga eflaust fé til endurbóta en vilja heldur byggja stórt á lóðinni, þrátt fyrir friðun. Þess vegna létu þeir það drabbast niður nágrönnum og vegfarendum til ama, dapurlegt en satt. Þetta er sóðaskapur og eigendum hússins engan veginn til sóma. Verst að borgaryfirvöld grípi ekki inn og setji dagsektir eða láti gera húsið upp á kostnað eigenda.


IMG_9292


mbl.is Telja ástæðu til að áminna starfsmann
Tilkynna um óviðeigandi tengingu við frétt

Pólitísk samtrygging

Ný ríkisstjórn virðist vera í burðarliðnum þrátt fyrir hópúrsagnir og háværar mótbárur fjölmargra kjósenda VG. Af því tilefni væri ekki úr vegi að vitna í ágætt viðtal við Eirík Tómasson frá árinu 2009 sem Lára Hanna Einarsdóttir gróf upp eins og henni einni er lagið. Þar sagði Eiríkur m.a.:

"Íslenskir stjórnmálamenn þeir hafa verið hrifnir af ráðherraræðinu vegna þess að keppikefli íslenskra stjórnmálaflokka, þetta er mjög áberandi síðustu áratugina, hefur verið að komast í stjórn og fá ráðherra. Og þegar þeir eru búnir að koma ár sinni þannig fyrir borð vilja þeir að sem minnstar hömlur séu á ráðherraræðinu."

Og Eiríkur vissi greinilega hvað klukkan sló:

"Þó að ýmsir stjórnmálamenn íslenskir vilji breytingar, ég virði það, þá er það þannig að pólitíska samtryggingin hún er á móti breytingunum. Nú óttast ég að menn muni sjá til þess að það verði ekkert úr þessu stjórnlagaþingi vegna þess að stjórnlagaþingið er auðvitað ógn við pólitíkina eins og hún hefur verið."


mbl.is Aðeins 60% myndu kjósa VG aftur í dag
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband