Lobbi

Ég hlustaði Guðmund Ólafsson, sérlegan álitsgjafa Morgunútvarpsins, á Rás 2 í morgun. Þar reyndi hagfræðingurinn að gera lítið úr þekkingu Bjarkar á Magma-málinu og AGS og talaði oftar en einu sinni um söngkonur og aflraunamenn með niðrandi tón.

Nú hef ég fylgst býsna vel með þessu tiltekna máli og aðdraganda þess og að mínu mati hefur Björk látið hafa eftir sér mun skynsamlegri ummæli en t.d. Guðmundur hagfræðingur. Satt best að segja finnst mér málflutningur Guðmundar ósköp léttvægur. Reyndar finnst mér það fyrir neðan allar hellur að fræðimaður við HÍ skuli tala á þennan hátt niður til fólks í Ríkisútvarpinu og það án þess að þáttastjórnendur æmti eða skræmti.

Sem dæmi um hæpinn málflutning Guðmundar nefni ég ummæli hans um Magma Energy Sweden. Hann fullyrti að hér væri um eðlilegt fyrirtæki að ræða og sagði að hugtakið "skúffufyrirtæki" ætti alls ekki við. Rökstuðningur hans var sá að fyrirtækið væri ekki stofnað til þess að svíkja undan skatti. Fyrirtæki með engan starfsmann og engan rekstur er semsagt fullgott í augum Guðmundar til að ráðstafa auðlindum á Íslandi í mannsaldur eða lengur.

 

Er kannski kominn tími til að Morgunútvarpið finni sér annan "sérfróðan" álitsgjafa í stað Lobba?

Ranglega haft eftir Björk

Athugasemdir

[Jón Ingi Cæsarsson, 4.8.2010 kl. 10:32]

Er ekki ráð að hafa það í huga að þetta sem maðurinn segir er hans skoðun og hann hefur leyfi til að hafa hana.

[Sigurður Hrellir, 4.8.2010 kl. 10:48]

Ekki dettur mér í hug að banna Guðmundi að hafa sína skoðun en ég set spurningu við það að Ríkisútvarpið hafi hann sem reglulegan álitsgjafa. Því eru eflaust sumir ósammála.

[Halldór Halldórsson, 4.8.2010 kl. 11:08]

Er ekki réttmætt að álykta út frá pistli Sigurðar að hann vill láta ráða álitsgjafa til RÚV sem Sigurður er alltaf sammála?  Ég er yfirleitt ósammála Lobba, en dettur ekki í hug að vilja láta reka manninn.  Ég vil miklu frekar leggja niður RÚV, alveg vitaþarflausa ríkishít!

[Sigurður Þór Guðjónsson, 4.8.2010 kl. 11:30]

Guðmundur er mjög sérstakur maður. Hann verður bara að fá að tjá sig eins og hann vill. Það er auðvelt af vara stundum ósammála honum en hann er líka mikill húmoristi og þó hann virðist stundum tala stórkarlalega og jafnvel í niðrandi tón er hann laus við rætni. 

[Sigurður Hrellir, 4.8.2010 kl. 11:41]

Halldór, til þess að reka menn þarf fyrst að ráða þá. Ekki geri ég ráð fyrir að RÚV hafi gert ráðningarsamning við Guðmund. Ég get vel þolað að hlusta á fólk sem ég er ósammála en þegar hámenntaðir fræðimenn við HÍ eiga í hlut geri ég auknar kröfur um málflutning og rökstuðning.

Ég geri líka miklar kröfur við RÚV sem fréttamiðils og ljósvakamiðils vegna þess að skattborgarar eru skyldaðir til að greiða fyrir það sem þar fer fram. Ég ætla að láta það nægja að vísa til nýrrar ályktunar Borgarahreyfingarinnar frá því í morgun þar sem RÚV fær harða gagnrýni og geri ég þau orð að mínum (undanskil DV og Grapevine).

[Halldór Halldórsson, 4.8.2010 kl. 11:56]

Mikið held ég að Lobbi sé ánægður ef fólk heldur að hann komi til þeirra í RÚV af einskærri manngæsku og gefi þeim gullkornin sín gratís út á öldur ljósvakans.  Nei!  Sigurður má vera viss um að Lobbi fær greitt einhverja tugi þúsunda í hverjum mánuði fyrir að koma fram í morgunþættinum og að það hafi verið gerður við hann ráðningarsamningur; eða vill Sigurður kannski nota orðið verktakasamningur??

[Bjöggi (IP-tala skráð) 4.8.2010 kl. 12:08]

Ég er svo ánægður með hann Guðmund í útvarpinu, hann segir oft það sem ég er að hugsa og langar til að segja. Mér fannt hann ekki tala niður til Bjarkar, sem by the way algjörlega miskilur þetta Magma mál eins og meiri hluti þjóðarinnar.

Sigurður, þú virðist vera af þeim þjóðflokki sem vill móðgast og reynir að gera menn tortryggilega ef þú ert ekki sammála þeim. En það er því miður raunin með komma eins og þig, þeir eiga erfitt með að sætta sig við staðreyndir.