Að ræna banka innanfrá - taka 2

Ég held að þeim sem gáfu beygluðu pottana sína á Þjóðminjasafnið eftir mótmælin í fyrravetur væri nær að fá þá lánaða aftur. Við hin sem trúðum því ekki að Búsáhaldabyltingunni væri lokið þurfum einungis  að teygja okkur upp í skáp. Mætum öll á baráttufund n.k. laugardag, Austurvöllur kl. 15.

 

Látum ekki bankamenn og fjárglæframenn ræna okkur aleigunni í annað sinn!

Læti við Kirkjusand

Athugasemdir

[GAZZI11, 16.2.2010 kl. 16:14]

Það þýðir ekkert að lemja og berja potta þegar blessaða sjálftöku og siðblinda liðið er sjónheyrnarlaust. Ég hefði viljað sjá Íslenskann alþýðumann tölta þarna niður eftir með rjómatertu / rjómabollu eða almennilega Hnallþóru.  Það má svo gera það sem það vill með þennan varning.

Hvar er svo þetta lið sem plataði okkur þarna niðureftir, Hallgrimur, Hörður, Mörður, Einar og co. Er þetta það sem þeir vildu ??

[Davíð Þór Þorsteinsson, 16.2.2010 kl. 19:16]

Sammála Gazza. Yay berjum í potta, höfum hávaða og höldum ræður, svo gerist bara ekki neitt vúhú.

[Þjálfi (IP-tala skráð) 16.2.2010 kl. 20:07]

Það er bara aumkunarvert að húka þarna niður á austurvelli helgi eftir helgi. Hver heldur þú að sé að hlusta?

[Sigurður Haraldsson, 16.2.2010 kl. 23:11]

Við þurfum að láta landráðapakkið finna fyrir okkur það er það eina sem það skilur

[Sigurður Hrellir, 16.2.2010 kl. 23:42]

Þjálfi,

Það er aumkunarvert að sitja heima við tölvuna og halda að það skipti einhverju máli. Svo er líka fullt af fólki sem alltaf er tilbúið að grípa gæsina þegar eitthvað býðst en gerir ósköp lítið til að vinna fyrir því.

[GAZZI11, 17.2.2010 kl. 01:25]

Látum ekki bankamenn og fjárglæframenn ræna okkur aleigunni í annað sinn!

Hættum að versla við banka. Ef einhver af okkur á pening og þarf að spara er sennilega best að kaupa gull og demanta eða eitthvað álíka. Allt annað er bara skattheimta og nauðgun. 

[Sigurður Hrellir, 17.2.2010 kl. 09:37]

Fólk verður einfaldlega að hætta viðskiptum við þessar stofnanir. Ég veit um tvo sparisjóði sem hafa stundað heiðarlega bankastarfsemi og eru með ánægða viðskiptavini. Það eru Sparisjóður S-Þingeyinga og Sparisjóður Strandamanna. Fólk ætti að færa viðskipti sín frá hrunbönkunum sem nú eru að ganga fram af almenningi í landinu. Það er algjörlega vandræðalaust að skipta við þessa sparisjóði þó svo að þeir séu ekki beinlínis í nágrenni Reykjavíkur.

http://www.spar.is/default_msp.aspx?catID=261

http://www.spar.is/default_msp.aspx?catID=274