Að sjá stóru myndina

Ég ætla að hvetja Ólínu og alla félaga hennar í ríkisstjórnarflokkunum til að leggjast á eitt með okkur hinum og tala máli þjóðarinnar. Ákvörðun Ólafs Ragnars kann að hafa verið reiðarslag fyrir suma en hún er staðreynd engu síður og verður ekki aftur tekin. Í guðanna bænum hættið að beina spjótum ykkar að forsetanum, stjórnarandstöðunni eða InDefence. Kynnið ykkur þennan pistil og reynið að koma því réttlætismáli á framfæri erlendis að íslenskur almenningur eigi ekki einn og sér að standa undir allri þessari ábyrgð. Það getur ekki verið aðalmarkmiðið með Evrópusambandinu og hugsanlegri aðild að því að standa vörð um markaðshagkerfi og fjármálastofnanir á kostnað réttlætis og lýðræðis.

 

Segir að forsetinn hafi verið blekktur

Athugasemdir

[Gísli Ingvarsson, 7.1.2010 kl. 11:16]

Tala máli þjóðarinnar. Ertu haldinn stórmennskubrjálæði?

[Sigurður Hrellir, 7.1.2010 kl. 11:22]

Gísli, ég er bara ósköp venjulegur maður. Hins vegar sat ég megnið af deginum í gær og fyrrakvöld við það að koma upplýsingum til erlendra fjölmiðla. Konan mín skrifaði grein sem þú getur lesið hér. Ef það kallast stórmennskubrjálæði að eyða frítíma sínum í svona iðju þá hlýt ég að vera haldinn einhverju slíku.

[Helgi Kr. Sigmundsson, 7.1.2010 kl. 11:23]

Tek undir með Sigurði Hrelli í þessari hvatningu þingmanna og allra Íslendinga.

[Óskar (IP-tala skráð) 7.1.2010 kl. 11:27]

Djöfull er ég orðinn reiður út í Samfylkingarliðið og gungu háttinn í vg. það er ekki laust við að ég sé reiðari núna en ég var í hruninu:/

[Hrannar Baldursson, 7.1.2010 kl. 12:22]

Flott hjá ykkur báðum Sigurður. Ég las einmitt grein Eviru og finnst hún dúndurgóð.

Það væri óskandi að stjórnarliðar gætu komið auga á að þjóðin vill öll vera í sama liði, en ekki sundruð í annarlegu hagsmunapoti.