Getraun

Það er oft sagt að augun séu spegill sálarinnar. Hér eru augu tveggja keppenda sem 29. maí munu (hvor á sínu sviði) keppa um hylli fólks. Annar keppandinn sagði nýlega í viðtali að sér finndist "það vera með hreinum ólíkindum að vera í viðtali" á meðan að hinn keppandinn sagði einfaldlega "je ne sais quoi".

Spá Íslandi úrslitasæti

Raddir fólksins verða að heyrast

Forsætisráðherra lagði á haustdögum fram frumvarp um ráðgefandi stjórnlagaþing, væntanlega sjálfri sér og Alþingi til ráðgjafar. Hún nefndi það einnig fyrir nokkrum dögum að nauðsynlegt væri að breyta 26. gr. stjórnarskrárinnar og færa málskotsréttinn umdeilda frá forsetaembættinu.

Nú er svo komið að fólkið í landinu þarf að leggjast undir feld eins og Ljósvetningagoðinn forðum daga og ákveða sjálft hvernig grunnreglur samfélagsins eiga að vera. Tökum þátt í að undirbúa nýja stjórnarskrá, fólkið sjálft, ekki stjórnmálamenn og stjórnmálaflokkar, rúnir trausti.

Sjá nýja heimasíðu um sjálfsprottið stjórnlagaþing þar sem ýmsar áhugaverðar upplýsingar er að finna.

„Raddir fólksins“ með kaffihúsafund

Niðurgreidd skemmdarverk

Þetta mál með gamla gufubaðið á Laugarvatni er mjög sorglegt en dæmigert fyrir hugsunarháttinn hér á Íslandi. Það var nákvæmlega ekkert að staðnum eins og hann var. Hann var einfaldlega engu öðru líkur. Með nægilegu lánsfé væri líklegast hægt að eyðileggja hér allt sem einstakt er og fyrirfinnst hvergi annars staðar. Lítum á nokkrar myndir:

 

 

 

 

 

Núna um páskana átti ég leið framhjá staðnum og kíkti niður að vatni. Þar hefur nákvæmlega ekkert gerst síðan vorið 2008, enginn bekkur til þess að sitja á, ekkert búið að flikka upp á útlitið eða gera til að koma gufubaðinu í gagnið, bara rústasvæði og þetta heimskulega skilti sem segir að nýja gufubaðið opni árið 2010. Nafn fyrirtækisins sem stendur í þessu er reyndar mjög viðeigandi: Gufa ehf. Skyldi aðgangseyririnn í þetta nýja "fancy" gufubað verða 25 Evrur eins og í móðurfyrirtækið Bláa lónið? Mig minnir að það hafi kostað 350 krónur inn haustið 2007 þannig að það yrði ríflega tíföld hækkun og sjarminn horfinn.

Ég velti því fyrir mér hvort íbúar á Laugarvatni sætti sig við það að almannafé hafi verið nýtt til að rústa þessu helsta sérkenni svæðisins, en samkvæmt þessu á Bláskógabyggð um 10% hlut í Gufu ehf. Líklega er sá hlutur nú að engu orðinn en þetta er allavega hörmulegt dæmi um niðurgreidda skemmdarstarfsemi.

Svo mætti alveg útskýra aðkomu dæmds fíkniefnasmylgara að þessu ömurlega máli.

Sjá einnig þennan ágæta pistil.

Gufubaðið á Laugarvatni opnað næsta sumar?

Úr skýrslu Rannsóknarnefndar Alþingis, 8. bindi bls. 19-21

"Öllum vinnureglum vikið til hliðar"

Eftir að ljóst var að áhugi erlendra banka væri ekki fyrir hendi komst einkavæðingin aftur á skrið með bréfi Samson-hópsins til ríkisstjórnarinnar 27. júní 2002 þar sem hópurinn óskaði eftir að kaupa ráðandi hlut í Landsbanka, eða a.m.k. þriðjung, en Samsonhópurinn samanstóð af Björgólfi Guðmundssyni, Björgólfi Thor Björgólfssyni og Magnúsi Þorsteinssyni. Sigurjón Þ. Árnason, bankastjóri Landsbanka, telur að upphaflega hafi Samson haft áhuga á að kaupa Búnaðarbankann en þeim hafi verið beint að Landsbankanum og sama kom fram í skýrslu Steingríms Ara Arasonar. Björgólfur Guðmundsson kannast aftur á móti ekki við þá lýsingu, þeir hafi fyrst og fremst haft áhuga á Landsbankanum enda fundist hann virðulegri stofnun: "[V]ið lögðum bara áherslu á Landsbankann [...], en hefðum vel getað hugsað okkur Búnaðarbankann, ekkert að því."

Í kjölfarið var ákveðið að auglýsa stóra hluti í báðum bönkunum til sölu og tilboð bárust frá nokkrum íslenskum aðilum í hvorn banka. Hjólin voru farin að snúast fyrir alvöru og nú hyllti undir lok einkavæðingarferlisins sem hófst árið 1997.

Steingrímur Ari Arason, sem var í framkvæmdanefnd um einkavæðingu frá árinu 1991 þar til hann sagði skyndilega af sér 2002 í kjölfar ákvörðunar um sölu til Samson, sagði í skýrslutöku fyrir rannsóknarnefnd Alþingis að eftir að áhugi Samson hefði orðið kunnur hefði verið vikið af þeirri braut sem einkavæðingarnefnd hefði unnið eftir frá upphafi. Hlutverk nefndarinnar hefði verið að móta mögulegar leiðir til að leggja fyrir ráðherranefnd en á þessum tímapunkti hefði vægi hennar breyst og ráðherrar farið að gefa henni fyrirmæli og "það séu í rauninni Halldór og Davíð sem [...] taki ákvarðanir". Steingrímur Ari telur jafnframt að ákvörðun um hverjum ætti að selja bankana hafi legið fyrir hjá ráðherrunum áður en hlutir bankanna voru auglýstir.

Samkvæmt lýsingu Steingríms Ara var horfið nánast frá öllum helstu verklagsreglum einkavæðingarnefndar á þessum tímapunkti. Segir hann að ákveðið hafi verið að selja báða bankana samtímis þrátt fyrir að nefndin hafi ekki talið Búnaðarbankann kláran í ferlið á þessum tíma. Þá hafi ætíð verið lögð mikil áhersla á að verðið ætti að ráða, en gengið hafi verið að tilboði Samson sem ekki var með hæsta verðið. Ekki nóg með þetta, heldur hafi matslíkanið verið búið til eftir á þar sem ráðherrar hafi í raun fengið frjálsar hendur um það hvernig einstökum þáttum var deilt upp og að starfsmaður nefndarinnar hafi hitt erlenda ráðgjafa til þess að "sitja með þeim yfir því hvernig eigi að stilla upp matslíkaninu". Að hans mati var gengið allt of langt í því að meta aðra þætti en verðið inn í ákvarðanamódelið. Steingrímur Ari segir að í vinnureglum einkavæðingarnefndar hafi verið ákvæði um að hægt væri að veita undanþágu frá einstökum reglum en skilningur nefndarmanna hafi verið sá að því yrði einvörðungu beitt ef ríkar ástæður væru fyrir hendi. "[E]n þegar að þarna er komið að þá er í rauninni búið á grundvelli þessa undanþáguákvæðis að víkja sko öllum vinnureglunum til hliðar."

Kornið sem fyllti mælinn hjá Steingrími Ara var fyrirvarinn sem Samson setti í tilboð sitt um mismunandi mat á útlánum bankans og hugsanlegar afskriftir sem kæmu mögulega til lækkunar á tilboðinu. "[M]ér fannst það ekki bara viðeigandi að ríkið sem minnihlutaaðili, auðvitað sem sagt ráðandi aðili en sem minnihlutaaðili í bankanum sko færi að veita mögulegum kaupanda aðgang að þessum upplýsingum, hugsið ykkur, þetta eru viðkvæmustu upplýsingar sem eru innan bankans, það er staða stórra aðila sem að mögulega þarf að afskrifa. Og hvers vegna? Vegna þess að menn höfðu ekki passað nógu vel upp á það o.s.frv. Þannig að mér fannst þetta í alla staði bara sem sagt fráleitt." Þrátt fyrir andstöðuna við fyrirvarann var honum skýrt frá því að ákvörðun hefði verið tekin og farið yrði í viðræður við Samson eða engan.Í ofangreindri tilvitnun kemur fram að Samson hafi fengið viðkvæmar upplýsingar úr Landsbankanum áður en gengið var til samninga.Vignir Rafn Gíslason, endurskoðandi Landsbankans, lýsir því hvernig hann kom að skoðun á Búnaðarbankanum á sínum tíma. "Þá vorum við fengnir til að gera áreiðanleikakönnun á Búnaðarbankanum fyrir hönd einkavæðingarnefndar eða, já og bankans að sjálfsögðu.Við vorum ekki að vinna fyrir kaupendur, þetta var öðruvísi sett upp heldur en inni í Landsbankanum því að þar fóru endurskoðendur, þið áttið ykkur á því, þar fóru endurskoðendur Samson inn í Landsbankann við einkavæðinguna og fengu að grautast í honum."Stjórnvöld höfðu fram að þessu sýnt áhuga á að eignarhald bankanna yrði dreift, en nú var horfið frá þeim áformum.Vafalaust hafði hér áhrif kennitölusöfnunin í tengslum við einkavæðingu Fjárfestingarbanka atvinnulífsins hf. og átökin sem fylgdu í kjölfarið.

Frásagnir þeirra sem komu að einkavæðingunni sýna hvernig ítrekað var farið á svig við vandaða starfshætti. Skýrum verklagsreglum er ætlað að tryggja vönduð vinnubrögð, gegnsætt ferli og aga þá sem taka þátt í ferlinu. Þær gera þó lítið gagn nema eftir þeim sé farið. Þrátt fyrir yfirlýstan vilja í upphafi til að vanda til verka við einkavæðinguna voru þær reglur sem Alþingi setti um einkavæðinguna opnar og gáfu stjórnvöldum möguleika á að haga málum eftir eigin höfði. Afleiðingarnar voru þær að ferlið var ekki gegnsætt sem hefur gefið tilefni til tortryggni og grunsemda um að mikilvægum upplýsingum hafi verið leynt eða pólitísk sjónarmið hafi ráðið ferðinni.

Starfræksla stóru bankanna skiptir almannahagsmuni miklu og því er ekki viðunandi að þannig hafi verið staðið að verki. Ekki aðeins var hér um að ræða verðmæt fyrirtæki í opinberri eigu heldur fjármálastofnanir sem höfðu mikilvægt samfélagslegt hlutverk og voru ákveðin kjölfesta í íslensku atvinnulífi. Þá áttu stjórnvöld eftir að heita þeim stuðningi sem færði ábyrgðina á starfrækslu þeirra til ríkisins og þar með til almennings. Af þessum sökum skipti öllu máli að vel væri að verki staðið við einkavæðingu þeirra og að ferlið væri gegnsætt og opið.

Af hverju opnaði maðurinn ekki munninn fyrr? Yfirhylming er refsivert athæfi en burtséð frá því sýnir þetta ljóslega hvernig "þægir" embættismenn starfa. Kerfið er yfirfullt af þeim. 

Aukið val

Ég óska stuðningsfólki Frjálslynda flokksins til hamingju með framboðslistann og að hafa tekið skrefið með baráttukonuna Helgu sem oddvita. Það er vissulega af hinu góða að valkostunum fjölgi þó svo að lýðræðisþröskuldurinn í Reykjavík sé allt of hár. 15 borgarfulltrúar fyrir svo stórt sveitarfélag eru allt of fáir. Nær væri að gera starf borgarfulltrúa að hlutastarfi og fjölga þeim um helming eða meir.

 

Reyndar teldi ég það réttast að sameina öll sveitarfélögin sjö á höfuðborgarsvæðinu í eitt og vera með mjög fjölskipaða sveitarstjórn. Sameiginlegir hagsmunir eru fjölmargir og með öflugri endurskipulagningu mætti eflaust bæði spara og bæta stjórnun og aðkomu almennings að ákvarðanatökum.

Helga leiðir Frjálslynda

Leiðarljós

Stjáni Blái svaraði í fréttum RÚV kl. 19 hvernig hann meti stöðuna:

"Ég met hana þannig að flokkurinn hafi staðið undir áföllum og höggum og við erum að byrja að taka til varna í því."

Þá vitum við það hvernig næsti formaður FLokksins hyggst vinna traust kjósenda. Með því að leika fórnarlambið.

Íslendingar hafa eignast sitt eigið "Guiding light".

Boða til aukalandsfundar

Fjáröflunarátak?

Hrafn er auðvitað að ögra yfirvöldum og bíða færis að höfða mál til að krefjast skaðabóta dæmda af vinum sínum í réttarkerfinu og FL-okknum. Hann hefur ófá málin höfðað og stundum fengið fúlgur fjár í bætur:

http://www.mbl.is/mm/gagnasafn/grein.html?grein_id=724516

Einnig fékk hann nýlega gjafsókn á afar einkennilegum forsendum eftir að hafa sjálfur ekið niður mann á Spáni. Hrafn fór í mál við íslenska ríkið út af þessu bílslysi og slagsmálum í afleiðingum þess, en tapaði þó málinu:

http://www.dv.is/frettir/2009/6/15/hrafn-faer-ekki-baetur/

En mergurinn málsins hlýtur að vera sá hvort að mönnum sé leyft að stunda sérviskulegar byggingaframkvæmdir á lóðum sínum (og utan þeirra) innan borgarmarkanna þar sem ákveðnar reglur eru í gildi fyrir þá sem ekki bera fé á stjórnmálamenn og flokka þeirra. 

Reyndar er skemmtilegt að rifja það upp að Hrafn Gunnlaugsson gerði fyrir 10 árum nokkuð umdeilda mynd  sem hann nefndi "Reykjavík í öðru ljósi". Þar útskýrði hann þá framtíðarsýn að byggja háhýsi í Reykjavík. Háhýsin risu reyndar hvert á fætur öðru, flest við Skúlagötuna. Það skýtur hins vegar skökku við að Hrafn sjálfur sem dáist að Dubai kjósi sjálfur hina "litlu kassa" sem hann sjálfur deildi á. Svo er líka nokkuð fyndið að heyra hann rökstyðja Sundabraut úr Örfirðisey þvert yfir Engey og Viðey fremur en að láta göngin byrja í Laugarnesinu "í túninu heima".

Hrafn fær líklega frest

Money hell ???

Einn bankaræninginn talaði um "money heaven" í eftirminnilegu viðtali. Væntanlega er þetta þá leiðin í "money hell".

 

Einnig er þetta lýsandi mynd fyrir sálarástand þjóðarinnar.

Ófrýnileg ásýnd Eyjafjallajökuls

Spennandi fundur í kvöld

Í kvöld kl. 20 verður spennandi fundur þar sem spáð verður í framtíðina og eflaust rætt um margvíslegar afsagnir framundan.

Skýrslan - og hvað  svo?

- Er stjórnmálaflokkunum treystandi?

- Hverra er ábyrgðin?

- Er þörf á nýjum samfélagssáttmála? 

Opinn fundur Borgarahreyfingarinnar í Húsinu, Höfðatúni 12, fimmtudagskvöldið 15.apríl kl. 20, um framtíðarhorfur á Íslandi í kjölfar útgáfu skýrslu Rannsóknarnefndar Alþingis.

Frummælendur verða:

Jón Baldvin Hannibalsson, fyrrv. ráðherra og sendiherra.
Sigrún Davíðsdóttir, fréttamaður.
Styrmir Gunnarsson, fyrrv. ritstjóri.
 
Fundarstjóri verður Guðmundur Andri Skúlason.

Allir velkomnir – heitt á könnunni.

HÚSIÐ

Höfðatúni 12

Björgvin víkur af þingi

Sýndarveruleiki

Á leiðinni heim úr bókabúð í gær mætti ég kunningja mínum á götu. Hann spurði hvað væri títt og ég sýndi honum ofan í pokann með skýrslunni ógurlegu. "Þú ert þó ekki að fara að lesa þetta," sagði hann undrandi, "það vita allir að bankarnir voru ábyrgir!".  Ég maldaði í móinn og sagði að stjórnmálamenn væru augljóslega ekki undanskildir. "En bankamennirnir lugu að þeim!" sagði kunningi minn og virtist óhaggandi í skoðun sinni. Að vísu féllst hann á það að "sínir menn", Geir og Árni Matt. hefðu verið óttalegar gungur.

Hafandi séð stóra fyrirsögn Moggans í dag fer ég að óttast að skýrslan muni ekki vera á náttborðunum í Valhöll.

Hönd með gullúri kippti honum út