Mogginn samur við sig...

Það þyrfti nú bara hreinlega að fá ljósmyndir og telja. Laugardalshöllin tekur 5000 manns. Það þýðir ekkert að segja mér að einungis 1000 hafi verið í göngunni og á Austurvelli. Ég held að fjöldinn hafi verið a.m.k. 2000. Svo var líka töluvert rennerí - fólk kom og fór.

 

"Hörður Torfason ávarpaði lýðinn..."

 

Það gleymdist víst að segja að haldnar voru þrumandi ræður og að fólk hafi tekið vel undir.

Um þúsund mótmælendur

Athugasemdir

[Óskar Þorkelsson, 1.11.2008 kl. 16:28]

ég giska á að um 2500 manns hafi verið þarna þegar mest var... 

[Guðrún (IP-tala skráð) 1.11.2008 kl. 16:42]

Bara athyglissýki hjá Kolfinnu og Herði Torfasyni.

[Sigurður Hrellir, 1.11.2008 kl. 16:59]

Ég var nú ekki var við að Kolfinna hefði sig neitt í frammi. Það er allt of auðvelt að sitja sjálfur heima og segja þá athyglissjúka sem standa fyrir svona viðburðum.

[Gunnar Th. Gunnarsson, 1.11.2008 kl. 17:11]

1000 manns að frádregnum ljósmyndurum og forvitnum útlendingum

[Vésteinn Valgarðsson, 1.11.2008 kl. 19:48]

Gunnar, taldirðu alla leið frá Reyðarfirði eða trúirðu bara öllu sem stendur í Mogganum? Þarna var á þriðja þúsund manns.

[Alla (IP-tala skráð) 1.11.2008 kl. 20:22]

Takk fyrir að minna mig á að segja Moggasneplinum upp á morgun ( gjafaáskriftinni )

ég hætti að telja þegar ég var komin yfir 3000 þetta stig magnandi,spái því að þetta fari yfir 20.000 þús. í feb 2009

annars tóku erlendir fjölmiðlar þetta upp ofan á húsþökunum þarna, enn ég sá hvergi hann Hannes Hólmsteinn ríkisstarfsmann hann verður þarna bráðum þegar farið verður að fækka þeim, kannski að Inga Jóna leyfi honum að troða upp á Listahátíð   

[Sigurður Hrellir, 1.11.2008 kl. 20:35]

Gunnar sakar náttúruverndarsinna sífellt um ýkjur og öfgafullan málflutning. Hann sér hins vegar ekki bjálkann í sínu eigin auga eins og títt er um þá sem trúa á eina allsherjarlausn.

RÚV fer líka rangt með staðreyndir. Í kvöldfréttunum kl. 18 var því fyrst haldið fram að fjöldinn hefði verið á milli 1000 og 1500 en síðar í fréttinni voru þeir komnir undir 1000. Svo fannst þeim tilvalið að láta heyrast í einhverjum fáráðnling sem hrópaði og kallaði í fjöldanum. Margt hefur verið sagt að undanförnu um óvandaðan fréttaflutning en þeir á RÚV hafa greinilega ekki tekið það til sín.

[Vésteinn Valgarðsson, 1.11.2008 kl. 21:17]

Þetta var þó fyrsta frétt í kvöldfréttum Sjónvarpsins, það mega þeir eiga.

[Lára Hanna Einarsdóttir, 1.11.2008 kl. 21:29]

Á myndum Berglindar sést greinilega mun meiri fjöldi:  http://berglist.blog.is/blog/berglist/

[Gunnar Th. Gunnarsson, 1.11.2008 kl. 22:48]

Þetta var nú bara smá stríðni í mér... vissi að hún myndi svínvirka