Á nú að styrkja ímynd Íslands?

Ég veit nú ekki betur en að gróðuhúsalofttegundir sem streyma frá jarðvarmavirkjunum séu undanþegnar Kyoto bókuninni. Þess vegna finnst þeim hjá Orkuveitunni það ekki skipta neinu höfuðmáli við undirbúning þeirra virkjana sem nú eru ýmist í smíðum eða á teikniborðinu. Öðru máli gegnir um útblástur frá álverum og olíuhreinsunarstöðvum en þar virðist vissulega vera mikil eftirspurn eftir kvóta miðað við öll þau áform sem nú eru til umræðu.

Spurningin er því hvort að Íslendingar ætli sér í raun og veru að leggja sitt lóð á vogarskálarnar til að draga úr gróðurhúsaáhrifum eða hvort þeir ætli að láta Hannes Hómstein og co. ráða ferðinni og sýna algjört ábyrgðarleysi. Þeir sem ekki viðurkenna vandann ættu allavega ekki að koma með lausnirnar.

Ég velti því fyrir mér hvað þessi nýja nefnd um ímynd Íslands sem sá hinn sami forsætisráðherra hefur skipað álykti um svona séríslensk sóðaákvæði. Það kemur allavega ekki á óvart að Framsóknarflokkurinn og "Lauslyndir" skuli fagna svona yfirlýsingu.

Geir: Eigum að reyna að fá samþykkt nýtt íslenskt ákvæði

Athugasemdir

[Árni Gunnarsson, 7.11.2007 kl. 15:03]

Tek undir þetta.

Þó líklega falli ég undir þá skilgreiningu þína að vera "lauslyndur" treysti ég ekki ímyndarsmiðum undir forystu Sjálfstæðisflokks þegar land mitt og þjóð á í hlut. 

[Sigurður Hrellir, 7.11.2007 kl. 15:21]

Þú ert ágætur Árni og amk. ekki lauslyndari en góðu hófi gegnir.

[Ragnhildur Jónsdóttir, 7.11.2007 kl. 17:39]

Maður veit nú bara ekki hvort maður eigi að hlægja eða gráta yfir þessum vinnubrögðum og hugmyndum. Ímynd Íslendinga sem sóða allt út, menga loftið,  eyðileggja ómetanlega náttúru og fer þar að auki illa með veikt og gamalt fólk. Í alvöru, á hvaða leið erum við eiginlega?!?!

sorry, dáldið pirruð í dag.

Bestu kveðjur  

[Lára Hanna Einarsdóttir, 8.11.2007 kl. 11:21]

Sæll Sigurður og takk fyrir síðast - á fundinum í OR-húsinu. Ég hefði viljað ræða betur við þig en þú varst farinn þegar færi gafst.

Hér er stuttur, yfirlætislaus en upplýsandi pistill um brennisteinsvetni og svo bendi ég á frábæra athugasemd Gunnlaugs H. Jónssonar um brennisteinsvetnismengunina sem hann finnur svo mjög fyrir eftir að Hellisheiðarvirkjun var reist, sem ég fékk leyfi til að birta á bloggsíðunni minni.

[Sigurður Hrellir, 8.11.2007 kl. 15:36]

Sæl Lára og gaman að fá þig sem bloggvin. Við fáum nú líklega tækifæri til að ræða málin betur fljótlega og vonandi tækifæri til að fagna einhverjum sigrum í okkar baráttu.

Það er grein eftir mig í Mogganum í dag en hún var skrifuð á sunnudaginn var og satt best að segja er ég orðinn talsvert fróðari um brennisteinsvetni síðan þá! Ég hefði örugglega kveðið fastar að orði en ég gerði í greininni.

Annars vil ég þakka ykkur fyrir framtakið með heimasíðuna og vona að þessi barátta skili árangri. Sjálfur var ég að enda við að skila inn heilmiklum athugasemdum og vænti þess að þær verði teknar til skoðunar hjá Skipulagsstofnun.

Með kærri kveðju. 

[Lára Hanna Einarsdóttir, 8.11.2007 kl. 16:46]

Þakka þér fyrir og sömuleiðis.  En ertu ekki til í að birta athugasemdirnar þínar á bloggsíðunni þinni eins og Gunnlaugur gerði?

Í viðtölum við fjölmiðla hefur Eiríkur Hjálmarsson haft lítilsvirðandi og háðuleg orð um "staðlaðar" athugasemdir og á væntanlega við bréfið á síðunni okkar www.hengill.nu sem við bjóðum fólki að nota ef það treystir sér ekki til eða hefur ekki tíma til að skrifa athugasemdir sjálft.  Staðreyndin er hins vegar sú að fólk hefur ekki fyrir því að afrita bréfið, skrifa undir það og senda ef það er ekki sammála því sem í því stendur og vilji koma mótmælum sínum áleiðis. Margir hafa einnig breytt bréfinu eða skrifað frá eigin brjósti og sent okkur afrit.

Annars er Eiríkur ekki öfundsverður af starfinu sínu og mér þætti forvitnilegt að vita hver hans eigin afstaða er í virkjanamálefnum - en hana getur hann ekki viðrað ef hún er ekki í takt við stefnu vinnuveitandans.

Lestu Viðskiptablaðið á morgun - þar verður viðtal við Petru.

[Petra Mazetti (IP-tala skráð) 8.11.2007 kl. 19:51]

Sæll Sigurður og takk fyrir góða grein í mogganum. Þetta er akkurat málið - það er ekki verið að setja út á OR fyirr að gera umhverfismatið heldur eins og þú bendir á vitum við alveg að þetta er samkvæmt lögum - enda sagði ég það í útvarpsviðtali í síðustu viku. Hins vegar er full ástæða til að að velta því fyrir sér hvort þarna sé ekki verulegur brestur í lögunum um umhverfismat. Mér finnst rétt að framkvæmdaraðili borgi fyrir gerð umhverfismat þegar um slíkar framkvæmdir er að ræða - en óháður aðili á að framkvæma það. Hvað svo núna þegar VSO vinnur úr athugasemdunum í samráði við OR og býr til svar / lokaskýrslu samkvæmt því? Verður þessi skýrsla ekki lituð?

Var að lesa í lokaskýrslu fyrir Hellisheiðarvirkjun frá þeim tíma - mjög fróðleg lesning núna þegar maður getur borið hana saman við það sem varð úr. Kem aftur með athugasemdir um þetta seinna.

[Sigurður Hrellir, 8.11.2007 kl. 22:27]

Svo eru það kallaðar samsæriskenningar þegar maður fer að gagnrýna þessar brotalamir í löggjöfinni...