Engir iðjuleysingjar

Margir sem blogga um upptátæki Saving Iceland hópsins tala um þá sem iðjuleysingja eða atvinnuleysingja. Það er furðuleg ályktun í ljósi þess að SI virðast hafa ærið nóg fyrir stafni þessa dagana. Á hverjum degi berast fréttir af aðgerðum þeirra og uppátækjum. Af hverju er ekki talað um bloggara á sama hátt? Þeir hafa skoðanir á öllu mögulegu á milli himins og jarðar en gera ekkert annað en að láta ljós sitt skína á blogginu. Þeir ættu kannski að taka sér SI til fyrirmyndar og reyna að ná rassinum upp úr stólnum til að framkvæma eitthvað og hætta að nöldra yfir framtakssemi annarra.

Svo eru aðrir sem vilja láta reka þetta lið úr landi strax. Væri þá ekki tilvalið að láta sömu reglur gilda um ölvaða Íslendinga á Benidorm og víðar þar sem þeir eru engum öðrum til ánægju og yndisauka og hafa hvorki markmið né tilgang með framferði sínu.

 

Aðgerðarsinnar mótmæla við álverið í Straumsvík

Athugasemdir

[Valgerður Halldórsdóttir, 24.7.2007 kl. 14:28]

Góður

[Örvar Þór Kristjánsson, 24.7.2007 kl. 15:23]

Þetta eru glæpamenn.  Hyski. Ekki flókið mál.  Þessi hópur er ítrekað að brjóta lög og reglur lýðveldisins.  Fámennur hópur réttlætir það vegna þess að málstaðurinn er svo góður.  Það finnst mér og öðrum ótrúlegt.  Fullir Íslendingar á Benidorm fara eflaust í pirrurnar á mörgum en síðast þegar ég vissi var ekki ólöglegt að fara þangað og "detta í það".  Eins og einn góður sagði "Ef ég er á móti 90 km hámarkshraða á brautinni, á ég þá að keyra á 200 til þess að mótmæla?"  Það hlýtur að vera í lagi.

Þetta eru kannski ekki iðjuleysingjar en bölvaðir kjánar upp til hópa.   Talsmaðurinn í Kastljósinu í gær skoraði ekki mörg stig fyrir samtökin og var í hraun hlægilegur.  Það mátti brosa að þessum fíflagangi. 

Vonandi að þessi erlendi hippahópur fari nú að hverfa af landi brott og "mótmæli" einhversstaðar þar sem hart er tekið á svona skríl.

[Sigurður Hrellir, 24.7.2007 kl. 16:13]

Mér finnst nú ansi hællærislegt hvað margir láta þessa mótmælendur fara í taugarnar á sér. Að kalla þá glæpamenn og hyski finnst mér ansi djúpt í árina tekið. Það vill bara þannig til að "hefðbundin" mótmæli eins og að standa með spjald á Austurvelli ná ekki neinni athygli fjölmiðla og þ.a.l. ekki almennings heldur. Ég er ekki endilega sammála aðferðunum sem SI notar, en sjálfur hef ég reynt hvað það hefur lítil áhrif að mótmæla á hinn friðsamlegasta máta. Svo sé ég ekki að það breyti miklu hvort þeir séu allir Íslendingar eða gestir okkar erlendis frá. Ef við viljum geta hegðað okkur eins og svín á Benedorm eða á fótboltaleikjum í öðrum löndum, þá þarf að hafa þol fyrir óhefðbundinni hegðun hérlendis svo lengi sem hún skaðar ekki annað fólk.

[Örvar Þór Kristjánsson, 24.7.2007 kl. 16:23]

Svo lengi sem hún skaðar ekki, það er í lagi.  En þeirra aðgerðir eru ekki löglegar.  Það er kjarni málsins.  Mótmæli eru okkar réttur, en þau missa marks ef þau eru ekki innan ramma laganna.  Þó það hafi lítil áhrif að mótmæla friðsamlega er það þá í lagi að gera það ófriðsamlega/ólöglega?  Nei það held ég ekki.  Hef sagt það áður og stend við það að þessi skríll ( SI ) hefur alls ekki hjálpað til við málstað þeirra sem eru á móti virkjunum.  Er sjálfur með virkjunum upp að vissu marki og styð framkvæmdir t.d í Helguvík og Þorlákshöfn en á vini og kunningja sem eru alfarið á móti virkjunum.  Þetta fólk er gáttað á þessum uppátækjum SI og kunna þeim litlar þakkir fyrir.