Ekki spurt um sanngirni

Svokallaðir samningsaðilar, þ.e. forsvarsmenn lífeyrissjóða, fjármálastofnana og ríkisins voru ekkert að fara í launkofa með það hvað "samningurinn" gengur út á:

Jóhanna Sigurðardóttir: "Með þessum aðgerðum og þeim 50 sem fyrir eru þá teljum við að við séum búin að ná utan um vandann. Við vonum það. Við erum búin að ganga eins langt og við mögulega getum, allir aðilar í þessu máli."

Arnar Sigurmundsson, formaður landssamtaka lífeyrissjóða (við spurningunni "Hefði ekkert verið að gert, hvernig metið þið þá að kosnaðurinn hefði verið fyrir lífeyrissjóðina hefði ekki verið neinar aðgerðir vegna vanskila?"): "Við búumst við að sá kostnaður þegar upp er staðið hefði jafnvel verið meiri. Lífeyrissjóðirnir eru ekki að falla frá kröfum sem eru innheimtanlegar. Það er meginmálið."

Árni Páll Árnason: "Þessi aðgerð, hún er miðuð að því að koma skuldsetningu niður í 110% en það er mikið réttlætismál að þá séu allar eignir fólks undir, að fólk geti ekki haldið eignum út úr heildarmyndinni."

Hér er einfaldlega verið að ganga að eigum fólks, svo einfalt er það. Forsendubresturinn er algjör en kröfuhafar ætla ekki að afskrifa neinar aðrar skuldir almennings en þær sem þeir sjá ekki fram á að geta innheimt með einu eða öðru móti. Jóhanna Sigurðardóttir treystir sér ekki til að ganga lengra en á byrjunarreit og sendir ráðdeildarsömu fólki reikninginn. Um Árna Pál ætla ég að hafa sem fæst orð.

Umboðsmaður skuldara afgreiðir 2 mál á dag að jafnaði. Með þessum hraða mun það taka a.a. 100 ár að koma til móts við skuldavanda 50.000 aðila með sértækum hætti. 

"Norræna velferðarstjórnin" er líklegast réttnefni eftir allt þar sem að stórir hópar fólks sjá sér nú þann kost vænstan að flytja búferlum til Norðurlandanna.

Hinir ráðdeildarsömu tapa

Athugasemdir

[Marinó G. Njálsson, 4.12.2010 kl. 01:24]

Sigurður, það er merkilegt, að þegar við hjá HH hittum Arnar og fleiri frá lífeyrissjóðunum um daginn, þá mótmælti hann þeim rökum okkar sem hann tók sér í munn í dag.

[Elías Bj (IP-tala skráð) 4.12.2010 kl. 02:08]

Akkúrat, Marinó

Þetta er enn einn plásturinn á holskurðinn!  Hefur ekkert með N1 að gera per se......

[Arnór Valdimarsson (IP-tala skráð) 4.12.2010 kl. 07:13]

Jólalögin í ár, og öll í boði Svikastjórnar Jóhönnu og Steingríms.

Að sjálfsögðu "TUNNUSLÁTTUR"

[Sigurður Hrellir, 4.12.2010 kl. 10:33]

Þeir sem hafa lítið greitt af sínum lánum fá nú niðurfellingu - hinir sem með harmkvælum standa í skilum fá það ekki. Sumt fólk hefur sparað við sig í fæði og klæði til þess að borga af þessum árans lánum. Og Árna Páli finnst það sanngjarnt að það fólk fái engar niðurfellingar og að allar þeirra eignir séu undir. Þvílíkur framtíðarleiðtogi jafnaðarmanna!

[Elís Már Kjartansson, 4.12.2010 kl. 15:37]

Þetta er alveg fáránlegt það mætti halda að það byggju 2 þjóðir í þessu landi þeir sem sukka og svína og við hin sem borgum brúsan!!. Hvernig væri það nú að við sem eigum að borga brúsan bara hættum því. Það þarf að fara draga mörkin í sandinn núna því þetta er kornið sem fyllir mælinn. Þvíllik jafnaðar og mannréttinda stjórn sem þetta er eða hitt þó heldur það liggur við að maður vilji fá kostningar strax og burtu með þetta pakk sem kann hvort sem er ekkert að stjórna!. Þeir sem bera ábyrgð á þessu hruni eiga að taka afleiðingunum sjálfir en ekki þeir sem unnu ekkert til þess andskotinn  hafi það!!!!.