Danska þjóðarsálin

Ég var í skóla í Kaupmannahöfn í upphafi tíunda áratugar síðustu aldar. Danir reyndust mér yfirleitt vel og voru mjög jákvæðir í garð Íslendinga.

Á þessum árum gekk kreppa yfir Færeyjar og margir Færeyingar fluttust til Danmerkur. Ég man hvað ég var hissa þegar ég fór að heyra Danina tala illa um Færeyingana. Það var talað um þá sem afætur sem flyttust til Danmerkur og færu þar á atvinnuleysisbætur þegar að þeir væru búnir að setja allt í kalda kol heima fyrir. Samt voru Færeyjar hluti af danska konungsríkinu!

Ég held að Íslendingar ættu ekki að búast við góðu af Dönum núna. Sérstaklega ekki eftir allt kaupæðið sem hljóp á íslensku útrásarvíkingana í Kaupmannahöfn.

Danir vildu ekki bjarga Íslendingi

Til upprifjunar

Munið að þetta fólk er enn við völd!

 

 

Foringinn: "Tryggjum áframhaldandi vöxt. Höldum áfram að byggja á traustum grunni."

Varaforinginn: "Framtíðin er full af tækifærum."   Meinti hún ófærum?

 

Þau sem heima sitja

Öll berum við ábyrgð í svokölluðu lýðræðisríki. Við kusum og atkvæðin okkar leiddu til þeirrar ríkisstjórnar sem nú situr. Þess vegna verðum við annað slagið að hugsa okkur um:

"Hafa fulltrúar okkar staðið sig sem skyldi?"

"Treystum við þeim til að sitja áfram við völd?"

Þau sem ekki eru sátt við hlutskipti þjóðarinnar í dag mega til með að taka þátt í mótmælafundunum á Austurvelli. Þetta er ekki í boði einhvers stjórnmálaflokks, Kaupþings Banka eða annarra (eigin)hagsmunaaðila. Mætið, látið rödd ykkar heyrast og tilfinningar sjást. Þau ykkar fullfrísk sem heima sitja eiga tæpast betra skilið!

 

 

 

 

 

Boða friðsamleg mótmæli

Skortur á lagalegu innsæi?

Ég er svo heppinn að borða morgunmat á hverjum degi með konu sem er doktor í Evrópurétti. Þess vegna fæ ég stundum útskýringar sem maður hefur á tilfinningunni að íslenskir stjórnmálamenn hafi ekki eða vilji í það minnsta ekki láta til fjölmiðla.

"Það er svekkjandi að ekki skyldi koma út úr þessu það sem til stóð" á Árni Mathiesen að hafa sagt. "Við hefðum viljað fá lagalegan grundvöll undir þetta, en vinnubrögðin voru þannig að það var ekki hægt."

Honum finnst það ekki ásættanlegt að gerðardómurinn eigi að skoða aðgerðir íslenskra stjórnvalda í fjármálakreppunni og gefa álit á neyðarlögunum. Varla er hægt að horfa fram hjá því þegar metnar eru forsendur þess að Ísland fylgi ekki skuldbindingum EES samningsins. Ef taka á tillit til sérstakra neyðaraðstæðna á Íslandi þá stenst það vitanlega ekki skoðun að neyðarlögin séu ekki hluti af þeim.

Að niðurstaða gerðardómsins væri ekki bindandi virðist líka koma Árna á óvart. Álit ECJ (Evrópudómstólsins) nr.1/91 segir að ECJ hafi síðasta orðið í túlkun laga fyrir ESB löndin. Þar af leiðandi hlýtur téður gerðardómur að skila úrskurði sem ekki telst bindandi fyrir ECJ. Annað væri óhugsandi og Ísland fær m.ö.o. enga sérmeðferð.

Það hvarlar að manni að hér sé enn ein smjörklípan á ferð. Nú á að kenna ESB um hvernig málum er komið á Íslandi.

Deilur vegna Íslands í gerðardóm

Ríkisstjórnin er ábyrg!

Ég lýsi ábyrgð á ríkisstjórnina. Það er alveg klárt mál að þeir fulltrúar fólksins í landinu sem brugðust skyldum sínum þurfa að svara fyrir misheppnaðar aðgerðir sínar eða aðgerðaleysi. Það nær auðvitað ekki nokkurri átt að sömu aðilar þykjast nú vera að finna lausnir út úr eigin klúðri.

5-6 vikur eru liðnar síðan allt fjármálakerfið hrundi og ríkisstjórnin byrjaði á feluleiknum sem ekki sér enn fyrir endann á. Að sjálfsögðu hefði þá strax átt að koma á fót krísustjórn þar sem opið væri fyrir allar góðar hugmyndir þeirra ágætu sérfræðinga sem við eigum. Heildaráætlun um björgunaraðgerðir hefði átt að liggja fyrir í lok október og enginn að velkjast í nokkrum vafa um að skynsamlega væri staðið að öllum aðgerðum.

Fólk verður að fara að vakna og láta heyra í sér. Það er ekki nóg að hanga heima og fjargviðrast yfir ástandinu. Þið sem heima sitjið eigið ef til vill ekki betra skilið!

Burt með spillingarliðið!

Staðan er grafalvarleg

Síðasti Framsóknarmaðurinn

Ég veit svei mér þá ekki hvað Framsóknarflokkurinn ætti til bragðs að taka í baráttu sinni við óumflýjanleg örlög sín. Guðni er eins og síðasti geirfuglinn og væri sennilega best geymdur uppstoppaður í viðhafnarbúningi. Aðrir helstu forkólfar flokksins tengjast spillingarmálum, einkavinavæðingu, klíkuskap, bitlingum, baktjaldamakki og fyrirgreiðslupólitík svo eitthvað sé nefnt.

Nokkur helstu "afrek" flokksins í ríkisstjórn síðustu ára sem hækja íhaldsins snúast um misheppnaða einkavæðingu bankanna, afnám hátekjuskatts og lækkun virðisaukaskatts á þennslutímum, 90% húsnæðislán, stuðning við innrásina í Írak, útsölu á náttúruauðlindum (lowest energy prices), gjaldfellingu umhverfismats, stríð við öryrkja og fatlaða, o.s.frv.

Vinur minn, hann Hallur Magnússon vill kalla til nýja ESB sinnaða forystusveit með þá Binga, Óskar Bergsson, Pál Magnússon og fleiri við stjórnvölinn. Því miður er stuttur ferill þessa fólks nú þegar blóði drifinn og bakstungur og baktjaldamakk líklega það sem flokkurinn þarf síst á að halda.

 

Ég velti því fyrir mér hvort að Framsóknarflokkurinn eigi yfirleitt nokkurt erindi í hinu "Nýja Íslandi"? Hann er samdauna öllu því illa sem yfir okkur hefur gengið að undanförnu og mun aldrei geta hreinsað sig af því.

 

Guðni einn á báti?

Lengi getur vont versnað

Varla hefur það farið fram hjá mörgum að Guðni Ágústsson og Bjarni Harðarson hafa staðið mjög þétt saman innan Framsóknarflokksins. Ég á vissulega erfitt með að trúa því að Guðni hafi hvergi komið nærri þessari misheppnuðu fléttu þar sem bréfinu átti að leka nafnlaust til fjölmiðla. 

Svo á Valgerður líka eftir að svara innihaldi bréfsins sem henni og fleirum innan flokksins var sent. Mörgum finnst nefnilega að hún skauti ansi létt framhjá ábyrgð sinni á einkavæðingarferli bankanna. Á borgarafundi í Iðnó sl. laugardag fullyrti hún að eðlilega hefði verið staðið að einkavæðingunni og að ekkert óhreint mjöl hefði verið í pokahorninu. Fyrir vikið baulaði fullur salurinn á hana, enda er gullfiskaminni Íslendinga ekki alveg svo slæmt.

Líklega verður töluvert mikil eftirspurn eftir varaþingmönnum úr flokksliðinu á næstunni líkt og í borgarstjórnarflokknum þar sem flestir efstu menn hafa horfið á braut. En lengi getur vont versnað!

 

Guðni: Bjarni axlar ábyrgð

Stjarna eitt augnablik

Með hverjum deginum sem líður magnast reiðin í þjóðfélaginu. Ég finn hvernig hún kraumar inni í mér. Fréttir berast sífellt af því hvernig ekki er staðið rétt að málum í stærsta áfalli þjóðarinnar á síðari tímum. Þingmönnum er flestum haldið utan við ákvarðanaferlið og hafa sumir hverjir fundið sér önnur áhugamál. Á meðan að flest hæfileikaríkasta fólk okkar Íslendinga er á fullu að ræða hugmyndir og koma með lausnir situr forsætisráðherrann og þykist hafa stjórn á hlutunum. "Það er ekki tímabært" segir hann og fréttamenn kinka kolli.

Finnar segja að nákvæmar áætlanir vanti, fulltrúi í stjórn IMF segir formlegt erindi ekki hafi borist og forsætisráðuneytið lætur ekki svo lítið að ansa fyrirspurnum frá Wall Street Journal. Á sama tíma hefur þjóðin ekki fengið upplýsingar um það hvaða skilyrði fylgja láninu sem ekki fæst afgreitt. Hvernig eigum við yfirleitt að trúa því að skilyrðin séu ásættanleg?

Veruleikinn er skýr. Bankarnir hrundu eins og spilaborg og fólk tapað eigum sínum. Gengi krónunnar hrundi sömuleiðis og verðbólgan geysist upp á við. Atvinnuleysi er orðið raunverulegt hjá stórum hópi fólks og greiðsluerfiðleikar fylgja í kjölfarið.

Martröðin er hins vegar að sitja uppi með óhæfa stjórnmálamenn sem halda heljartaki um stýrið og neita að gefa eftir stjórnina þrátt fyrir að kallað sé til þeirra víðs vegar úr þjóðfélaginu.

Það má ekki persónugera vandann. Við sitjum öll í sama bátnum.

Aðildarviðræður við ESB eru ekki á dagskrá.

Ekki stendur til að taka upp nýjan gjaldmiðil að svo stöddu.

Kosningar eru ekki áformaðar að svo stöddu.

Geir ætti að fara að horfast í augu við veruleikann og ríkisstjórnin að hætta að vera meðvirk. Það má ekki leggja Ísland í rúst. Fólkið sem kaus þessa flokka er vonsvikið og reitt. Alþingi Íslendinga er eins og leikhús fáránleikans þar sem Bjarni Harðarson stal senunni og var stjarna eitt lítið augnablik.

Spurning um hlutverk for(n)mannsins í þessu dramatíska atriði. Hann notar ekki tölvupóst, er það?

 

 

Bjarni segir af sér

EKKI blogg

Ég finn hvernig reiðin kraumar inni í mér. Á hverjum degi berast fréttir af því hvernig ekki er staðið rétt að málum í stærsta áfalli þjóðarinnar á síðari tímum. Á meðan að flest hæfileikaríkasta fólk okkar Íslendinga er á fullu að ræða hugmyndir og koma með lausnir situr forsætisráðherrann og þykist hafa stjórn á hlutunum. "Það er ekki tímabært" segir hann og fréttamenn kinka kolli.

Finnar segja að nákvæmar áætlanir vanti, fulltrúi í stjórn IMF segir formlegt erindi ekki hafi borist og forsætisráðuneytið lætur ekki svo lítið að ansa fyrirspurnum frá Wall Street Journal. Á sama tíma hefur þjóðin ekki fengið upplýsingar um það hvaða skilyrði fylgja láningu sem ekki fæst afgreitt. Hvernig eigum við yfirleitt að trúa því að skilyrðin séu ásættanleg?

Veruleikinn er skýr. Bankarnir hrundu eins og spilaborg og fólk tapað eigum sínum. Gengi krónunnar hrundi sömuleiðis og verðbólgan geysist upp á við. Atvinnuleysi er orðið raunverulegt hjá stórum hópi fólks og greiðsluerfiðleikar fylgja í kjölfarið.

Martröðin er hins vegar að sitja uppi með óhæfa stjórnmálamenn sem halda heljartaki um stýrið og neita að gefa eftir stjórnina þrátt fyrir að kallað sé til þeirra víðs vegar úr þjóðfélaginu.

Það má ekki persónugera vandann. Við sitjum öll í sama bátnum.

Aðildarviðræður við ESB eru ekki á dagskrá.

Ekki stendur til að taka upp nýjan gjaldmiðil að svo stöddu.

Kosningar eru ekki áformaðar að svo stöddu.

Geir ætti að fara að horfast í augu við veruleikann og ríkisstjórnin að hætta að vera meðvirk. Það má ekki leggja Ísland í rúst. Fólkið sem kaus þessa flokka er vonsvikið og reitt. Alþingi Íslendinga er eins og leikhús fáránleikans þar sem Bjarni Harðarson stal senunni og var stjarna eitt lítið augnablik.

 

Finnar vilja meiri upplýsingar

Bankaeigendaríkisstjórn

Maður var eiginlega búinn að gleyma dýralækni ríkisstjórnarinnar. Hann segist hafa nægu að sinna en fæstir vita hvað hann hefur haft fyrir stafni. Allavega miðar ekkert í átt að lausn deilunnar við Breta og Hollendinga og lítið fréttist af áformum stjórnvalda til lausnar gjaldeyrisvanda þjóðarinnar.

Verðum við ekki að vona að þetta verði víti til varnaðar. Fjármálaráðherra sem er menntaður sem dýralæknir og hefur auk þess hagsmunaleg tengsl inn í bankakerfið. Fyrir ekki löngu síðan var hann stór stofnfjáreigandi í SPH og núna er hann á meðal stofnfjáreigenda Byr, sjá hér

Burt með spillingarliðið - þjóðin þarf að kjósa!

 

Ráðherrarnir koma af fjöllum