Siðferði fjarri góðu gamni

Ef það er rétt skilið að stór fjárfestingarfélög og/eða íslensku bankarnir hafi veðjað á veikingu íslensku krónunnar og tekið þátt í árásum á hana til að hirða skjótfenginn gróða, þá hlýtur hér að vera um yfirgengilega og glæpsamlega hegðun gegn íslensku þjóðinni að ræða. Þetta verður að fá á hreint og draga menn til saka sem tóku ákvarðanir sem settu fjölda fólks og fyrirtækja á kaldan klaka. Því miður virðist viðskiptasiðferði sumra hafa verið víðs fjarri.

 

Veðjuðu á veikingu krónunnar

Athugasemdir

[Púkinn, 3.11.2008 kl. 11:10]

Þetta er ekki svona einfalt.  Það var í sjálfu sér ekkert athugavert við að bankarnir veðjuðu á veikingu krónunnar á þeim tímapunkti þegar hún var augljóslega allt of sterk - það sem var athugvert var að á sama tíma voru þeir að ota myntkörfulánum að sínum viðskiptavinum ... lánum sem þeir máttu vita að yrðu verulega óhagstæð gengju væntingar þeirra um fall krónunnar eftir.  Sjá einnig það sem ég skrifaði hér http://frisk.blog.is/blog/pukablogg/entry/697200/

Það er það athæfi sem gæti varðað við lög, en ekki stöðutakan sem slík.