Douze points

Þráinn Bertelsson - douze points. Ég heyrði sem betur fer ekki allar ræðurnar en Þráinn talaði af skynsemi ólíkt flestum hinum - enda hreyfingarlaus með öllu og með engan leikstjóra nema sig sjálfan (naturellement). En skyldi amma hans enn vera á lífi?!?

Flest fólk verður skynsamara með aldrinum nema kannski þeir sem eytt hafa stórum hluta ævinnar á Alþingi eða fengið heilahrörnunarsjúkdóma á byrjunarstigi :o Væri ekki annars snjallt að spara í heilbrigðisþjónustunni með að setja lágmarkaldur á Alþingi 70 ár? Datt engum það í hug?

Svo væri auðvitað hægt að spara í fangelsismálum með að dæma fólk til að vera heima hjá sér og hlusta á beina útsendingu frá Alþingi - verri refsingu væri vart hægt að hugsa sér.

Botnsætið vermir hins vegar rjómabollan Bjarni Ben. Hann ætti betur heima í Kjúklingastræti en á Alþing (IMHO).

Þurfum ekki að ræna ömmur okkar

Athugasemdir

[assa (IP-tala skráð) 5.10.2009 kl. 23:14]

Verð að nefna ræðuna hennar Birgittu í Hreyfingunni. Hún var hreint frábær, hún hélt athygli manns allan tímann og auðséð að það gilti um alla þingmenn líka. Þeir hlustuðu allir sem einn....snilldarræða hjá henni Birgittu!

[Sigurður Hrellir, 5.10.2009 kl. 23:17]

Ég heyrði bara lokin á ræðinni hennar. Var hún ekki að lesa ljóð (eins og oft áður)?

[Skorrdal (IP-tala skráð) 6.10.2009 kl. 04:52]

Höfum við ekki skrifað undir einhverja sáttmála um bann við pyntingum? Mér finnst það vera frekar vafasöm refsing, að láta fangana hlusta á tuðið við Túnið. Ekki vildi ég það mínum versta óvini - samt sat hann þar í mörg ár... :P Thíhíhí

[Sigurður Hrellir, 6.10.2009 kl. 09:37]

Sæll Skorrdal. Jú, það myndi sjálfsagt flokkast með ýmsum öðrum vafasömum pyntingaraðferðum. Það yrði allavega ekki hægt að tala um "betrunarvist".