LOKSINS!

 Eru Mogginn og mbl.is ekki með neinar lágmarkskröfur á gæðum ljósmynda? Myndu þeir einhvern tímann birta svo lélegar myndir af einhverjum "hæstvirtum" alþingismönnum? Hér fyrir neðan er allavega mun skárri mynd sem þeir geta notað.

 

 

Annars, til hamingju með nýju hreyfinguna. Ef þjóðin kýs gamla flokksveldið áfram þá vorkenni ég henni ekki neitt. Herbert er allavega réttur maður á réttum stað.

 

 



Borgarahreyfingin býður fram

Athugasemdir

[Hjalti Tómasson, 24.2.2009 kl. 00:31]

Loksins, góðar fréttir úr pólitíkinni.

Ég er sammála, ef menn nota ekki þetta tækifæri til að senda kröftug skilaboð til gömlu flokkanna þá er okkur ekki viðbjargandi

[Eva Hauksdóttir (IP-tala skráð) 24.2.2009 kl. 10:24]

Til hamingju með HVAÐ? Einn flokkinn enn, sem ætlar sér nákvæmlega ekkert annað en að viðhalda kerfinu og mylja undir sjálfan sig? Er fólk virkilega ekkert að átta sig á því að flokkakerfið er ólýðræðislegt í eðli sínu?

[Eva Hauksdóttir (IP-tala skráð) 24.2.2009 kl. 10:27]

Skilaboðin til gömlu flokkanna eru; sko nú er komið fullt af fleira fólki sem langar líka að ráða öllu og hygla vinum sínum alveg eins og þið. Það er að vísu langflest með mun lélegra tengslanet en þið og á enga peninga, svo það verður aldrei ógn við hægri flokkana en getur hinsvegar auðveldlega tekið atkvæði fá VG. Það er líka allt í lagi því þetta fólk hefur litla reynslu í flokkastarfi og á sennilega ekki eftir að standa saman um eitt einasta mál, jafnvel þótt það komist á þing.

[Sigurður Hrellir, 24.2.2009 kl. 11:26]

Eva, þetta framboð er "hit and run". Það hefur nokkur ákveðin markmið og verður lagt niður þegar þeim markmiðum er náð eða ljóst verður að þau nást ekki. Hvernig vilt þú fara að?

[Hjalti Tómasson, 24.2.2009 kl. 13:02]

Við eigum því miður ekki um annað að velja við núverandi fyrirkomulag.

Stjórnarskrá og kosningalögum verður ekki breytt á þeim tíma sem til stefnu er. En það eru þó leiðir sem hægt er að fara innan laganna og það er það sem þessi framboð eru að stíla á. Þessi framboð bjóða fram á allt öðrum forsendum en gömlu flokkarnir og svo má líka íhuga hvort við getum verið sammála um að einhverjar breytingar í núverandi stöðu eru ekki betri en engar breytingar. Það er þó alltaf von.

[Sigurður Hrellir, 24.2.2009 kl. 13:31]

Annað hvort býður fólk fram til Alþingis sem flokkur/hreyfing/félag eða gerir blóðuga byltingu. Ég veit ekki hvort Evu hugnast betur en hún virðist alls ekki hrifin af þeirri leið sem Borgarahreyfingin hefur valið. Reyndar held ég að töluverðs misskilnings gæti hjá henni því að stefnumál Lýðveldisbyltingarinnar eru samin af nokkru því fólki sem nú vill bjóða fram. Aðrir í Lýðveldisbyltingunni ákváðu að einbeita sér að stjórnlagaþingi eða beinu lýðræði og er ekkert nema gott um það að segja.

[Eva Hauksdóttir (IP-tala skráð) 24.2.2009 kl. 15:05]

Hvað ætlar þessi hreyfing sér langan tíma til að láta reyna á það hvort hún nái markmiðum sínum og af hverju gekk fólk unnvöpum úr Lýðveldisbyltingunni þegar var haldið fast við tímamörk á því?

[Sigurður Hrellir, 24.2.2009 kl. 15:34]

Ég get vonandi svarað þessu á morgun með tímann.

Það er hins vegar ekki rétt að fólk hafi gengið unnvörpum úr Lýðveldisbyltingunni út af þessu - allavega fór það algjörlega fram hjá mér. Hópurinn þar var einfaldlega með mismunandi hugðarefni og töluvert margir hættu þegar þeim fannst beint lýðræði ekki fá næga athygli.