Hvað með búsáhöldin?

Ég held nú að lögreglunni væri nær að vinna með fólkinu að því að losa Seðlabankann við þessa slímsettu óværu. Davíð lætur sér hagsmuni þjóðarinnar litlu varða enda mörg ár síðan að hann missti samband við almenning. Það er bara spurning um daga eða vikur hversu lengi hann getur þrjóskast við, en með hverjum deginum sem líður dregst það á langinn að hægt sé að byrja að byggja upp traust. 

Nú keppast Sjálfstæðismenn við að kenna EES samningnum um það hvernig fór fyrir fjármálakerfinu. Hins vegar eru ekki margir mánuðir síðan þeir héldu því blákalt fram að engin ástæða væri til að sækja um aðild að Evrópusambandinu af því að EES samningurinn væri okkur svo hagstæður!

 

Sturlu bannað að þeyta lúðra

Athugasemdir

[Guðni Karl Harðarson, 11.2.2009 kl. 11:55]

Hvernig væri að senda hunda á liðið þarna í Seðlabankanum? Láta þá gelta fyrir utan? Ekki er bannað að vera mé hunda á almannafæri?

 Guð minn góður hvað þessir sjálfsstæðismenn eiga bágt. Sorglegt fyrir þjóðfélagið hvernig komið er og þessi staða (þeirra stór gallaða hugmyndafræði) mest innan frá í þeim flokki.

[Ásgeir Ásgeirsson (IP-tala skráð) 11.2.2009 kl. 11:55]

Aðal vandamál lögreglunar er að henni ber (eins og kemur framm í nafninu) að framfylgja lögum og má þess vegna ekki slást í hópinn og fjarlæga neinn með valdi úr seðlabankanum. en hvað varðar Sturlu... Ég held bara að málið sé að lögreglan eins og, að mér heyrist, þorri þjóðarinnar sé búið að fá mikið meira en nóg af Sturlu greyjinu Jónssyni. Maðurinn hefur alveg einstakt lag á að vera gersamlega óþolandi, hvort sem hann hefur undir höndum loftlúður eða ekki. Ég held að lögreglan hafi í þessu tilfelli gert öllum, og þá líka hinum mótmælendunum og málstaðnum, stóran greiða með að taka lúðrana hanns :) En þeir gátu það ekki fyrr en þeir grófu upp lög sem bönnuðu honum að nota þá. ef þú fynnur lög sem banna geðstirðum krullhærðum mönnum að vera í opinberum stöðum þá er lögreglan ábyggilega til í að hjálpa.

[Eva Hauksdóttir (IP-tala skráð) 11.2.2009 kl. 13:26]

Ég get staðfest að mótmælendur fögnuðu þegar Sturla kom aftur og voru mikil vonbrigði að hann skyldi ekki fá að þeyta lúðurinn. Nú á þessari stundu er hópur fólks að samráðgast um það hvernig megi bæta upp fyrir lúðurmissinn. Ég spái miklu meiri hávaða á næstunni, með eða án Sturlu.

[Morten Lange, 11.2.2009 kl. 14:39]

Innlistkvitt.  Tek undir með Sigga og að hluta með Ásgeir. Hef sjálfur tekið þátt í búsáhaldamótmæli, og finnst stórar trommur sem gefa takt vera ágæt viðbót við búsáhöldin, en tæknivæddan lúður (knúinn þrýstilofti) heyrir ekki til að mínu mati.  Sturla hefur tekið þátt í mótmálunum af myndarskap og á heiður skilinn fyrir því.  En ég fíla ekki ofnotkun á bílaflautum, hvorki í umferðinni né annarsstaðar.

[Sigurður Hrellir, 11.2.2009 kl. 15:11]

Þessi lögreglusamþykkt er greinilega ekki notuð nema þegar skipun um það kemur frá æðstu stöðum. Spurning hvort að gulur fatnaður og ákveðnar líkamsstellingar séu líka á listanum yfir það sem ekki má viðhafa á almannafæri. Flestir muna eftir því hvernig farið var með meðlimi Falun Gong þegar aðalritari kínverska kommúnistaflokksins og forseti alþýðulýðveldisins heimsótti Ísland í boði Davíðs Oddssonar sumarið 2002. Hvorki var það fólk með ofbeldi né háreysti en hins vegar viðhafði það einkennilegar stellingar!