Utanþingsstjórn strax!!!

Það verður að skipa utanþingsstjórn! Eina skynsamlega leiðin er að gefa öllum þessum stjórnmálaflokkum frí svo að þeir geti endurnýjað stefnu sína, frambjóðendur og forystu áður en hægt er að kjósa á ný.

Vandamálið er að það hefur myndast hyldýpisgjá á milli kjósenda og stjórnmálamanna. Núna er skynsamlegast að forsetinn manni ríkisstjórn utan þings með nokkrum virtum sérfræðingum. Þegar hafa Gylfi Magnússon og Björg Thorarensen gefið grænt ljós svo að það þarf ekki nema hugsanlega 3-4 í viðbót.

Ég kem með eftirfarandi tillögu fyrir forsetann, svipaða og ég hef áður sagt:

Páll Skúlason eða Vigdís Finnbogadóttir - forsæti

Þorvaldur Gylfason - Lilja Mósesdóttir - Björg Thorarensen - Gylfi Magnússon - Ómar Ragnarsson.

Svo við ég ráða Robert Wade í stöðu seðlabankastjóra eða ráðgjafa ríkisstjórnarinnar og annað hvort Vilhjálm Bjarnason eða Indriða H. Þorláksson til að passa upp á  Fjármálaeftirlitið.

Bara drífa í þessu!!!

Ný ríkisstjórn eftir helgi

Athugasemdir

[Jakobína Ingunn Ólafsdóttir, 31.1.2009 kl. 01:40]

Einhverjir erfiðleikar eru í stjórnarmyndunarviðræðum. Framsókn er að reyna að sprengja þær og er kannski að daðra við sjálfstæðisflokkinn og þá verður allt vitlaust......

[Sigurður Hrellir, 31.1.2009 kl. 08:53]

Þeir eru allavega að leika sér að eldi, svo mikið er víst.

[Baldur Gautur Baldursson, 31.1.2009 kl. 21:11]

Vonandi ætlar ekki Framsóknarflokkurinn að daðra við "Sjálfstæðisflokkinn".  Það væri til að auka hatrið í stjórnmálunum til mikilla muna og þurrka út báða flokka.  Þjóðin myndi hreinlega ekki gútera það!

[Hjálmar Bogi (IP-tala skráð) 1.2.2009 kl. 04:35]

Minn fyrsti valkostur væri 6 manna utanþingsstjórn í forsæti Páls Skúlasonar. Sú ríkisstjórn þarf virst og fremst og nær eingöngu að vinna á efnahagsvandanum sem er ærinn. Mér líkar ekki sú framsetning fólks sem stillir dæminu þannig upp að Framsóknarflokkurinn sé að reyna a sprengja eitthvað og að gefa í skyn daður við Sjálfstæðisflokkinn. Á móti væri allt eins hægt að halda fram daðir Vg við Sjálfstæðisflokkinn. Vandamálið er nútíminn og framtíðinni og verkefnin þarf að leysa það dylst engum og því sorglegt að fólk skuli leggjast á neikvæðisárar þar um.