Af vettvangi

Ég var þátttakandi í þessum mótmælum í dag og er stoltur að því. Því miður voru þau ekki ýkja fjölmenn - líklega 25-30 manns. Þau gengu út á það að varna ríkisstjórninni inngöngu í Alþingi enda ætti hún að halda sig þar fjarri.

Fyrstur mætti Björgvin Sigurðsson en sneri við þegar hann sá fyrirstöðuna og sá að fólkið myndi ekki víkja. Næst birtust Geir og Þorgerður Katrín og á svipuðum tíma hópur lögreglumanna. Lögreglan bað fólkið um að fara frá en þegar það stóð sem fastast var gripið til þess ráðs að toga í menn og ýta í burtu. Á meðan gafst fólki ágætt svigrúm að koma mótmælum sínum á framfæri. Síðust mætti Þórunn á staðinn og höfðu þá mótmælendur myndað keðju utan um lögregluna sem hrinti þeim frá.

Aðrir ráðherrar fóru inn bakdyramegin til að forðast það að mæta fólkinu augliti til auglitis. Ég ætla að hafa það í huga fyrir næstu kosningar sem verða eflaust með vorinu.

Að lokum vil ég minna fólk á að það fær það sem það á skilið. Ef enginn mótmælir  á þann hátt að skilaboðin komist alla leið verður þjóðin að sætta sig við óbreytt ástand. Ég er ekki hlyntur ofbeldi og skemmdarverkum en tel að borgaraleg óhlýðni sé mjög viðeigandi eins og ástandið er í dag.

Þeir sem ekki voru í Háskólabíói í gær mega alls ekki missa af fundinum þegar hann verður sýndur á RÚV annað kvöld. Hagfræðiprófessorinn Robert Wade sem enginn fulltrúi Sjálfstæðisflokksins þorði að mæta gaf ríkisstjórninni og seðlabankastjóra vægast sagt lélega einkunn. Varnaðarorð hans um það hvað gæti beðið okkar verða líka að ná eyrum fólks.

Mótmælt við Alþingishúsið

Athugasemdir

[Ingvar Þórisson, 13.1.2009 kl. 10:35]

Næstum ekkert í þessari frétt er rétt og allt ónákvæmt. Þetta voru ráðherrar en víst eru þeir Þingmenn líka.

Það kom til stympinga þegar lögrleglan ýtti mótmælendum til hliðar svo ráðherrar kæmust inn. Aðrir laumuðust inn bakdyramegin. Rauða málningin sem var slett á Utanríkisráðneytið og Stjórnarráðið var vatnsmálning og matarlitur sem skolaðist af með vatni. Það voru tákrænar aðgerðir vegna fjöldamorða á Gaza. En bíddu rautt eru þetta ekki örugglega kommúnistar og skríll.

Björgvin G. Sigurðsson kom fyrstur, enginn lögregla var þá á svæðinu og hann snautaðist aftur inn í bíl. Enn og aftur tókst að seinka fundinum og þeir minntir á að meirihluti þjóðarinnar vill að þeir fari frá. Mbl hefur breytt vinnubrögðum sínum. Þeir eru hættir að taka upp myndir svo fólk sjái sjálft hvað er að gerast. Nú flytja þeir bara afbakaðar fréttir og birta gamlar ljósmyndir með. Stefnan sést í leiðaranum í gær. Er nema von að blaðið sé á hausnum.

[Sigurður H (IP-tala skráð) 13.1.2009 kl. 10:43]

mikið er ég skelfilega stoltur og ánægður af því að það er fólk þarna úti sem fer í  þessar aðgerðir, ég er ewinn af þeim sem er enþá í vinnu og hef ekki tök á að mæta þó glaður vildi. Ég er sammála þessu fólki og staðfesti að það er þar í mínu umboði en ekki það landráðalið sem innan veggja alþingis situr. Ég er líka sammála því að fólk fær það sem það á skilið...ef þú gerir ekkert til að breyta því ástandi sem þú býrð við...þá segir það sig sjálft að þú hlýtur að vera sáttur við það.

Spaugstofan klikkti réttilega á því í endingu síðasta þáttar..."ekki sætta þig við ástandið"

[Sigurður Hrellir, 13.1.2009 kl. 10:48]

Það er því miður enginn af stóru fjölmiðlunum sem flytur raunsannar fréttir af ástandinu. Þeir gera meira mál úr málningu en landráðum.

[Birgir Þorsteinn Jóakimsson, 13.1.2009 kl. 11:57]

Ég held að við verðum að halda ró okkar um stund. Um að gera að mótmæla,

en ætli það gerist nokkuð markvert fyrr en ástandið verður eins og Wade varar

við, allt komið í kaldakol og allt of seint að gera eitthvað af viti. Þá tökum við

við stýrinu og siglum skútunni suður á bóginn. : )