Enn ein stríðyfirlýsing frá yfirvöldum - Mótmælum!

Geir Hroki Haarde virðist ekkert vera að læra í samskiptum við þjóðina. Þetta er ekkert annað en stríðsyfirlýsing við eigendur RÚV ohf, fólkið í landinu! Sendið Páli þessum Magnússyni tölvupóst og mótmælið tafarlaust. Hér er pótintáti ríkisvaldsins að reka erindi þess þvert á hagsmuni almennings. Skilaboðin eru skýr: Fréttamenn skulu ekki dirfast að óhlýðnast yfirboðurum sínum!

 

Reynar er spurning hvort að ekki eigi að krefjast þess að Páli sjálfum verði skilað til föðurhúsanna.

Minnið hann svo á að lækka ofurlaun sín nú þegar eins og ríkisstjórnin hefur mælst til ásamt launum helstu yfirmanna RÚV ohf. Almennum starfsmönnum hefur löngum verið naumt skammtað.

 

Sendið einnig afrit af póstinum til fréttastofu RÚV og Stöðvar 2, menntamálaráðherra, Neytendasamtakanna og Umboðsmanns Alþingis auk G. Péturs sjálfs.

[e-mail]

[e-mail]
[e-mail]
[e-mail]
[e-mail]
[e-mail]

[e-mail]

Krafa um að viðtali við Geir verði skilað

Athugasemdir

[Halldór Halldórsson, 25.11.2008 kl. 13:18]

Ég þakka fyrir upplýsingar um netfang G.Péturs.  Ég hef nú sent honum skeyti og ítrekað kröfu útvarpsstjóra um að starfsmaðurinn fyrrverandi skili öllu sem hann stal.

[Sigurður Hrellir, 25.11.2008 kl. 13:37]

Þú gerir auðvitað bara það sem þér sjálfum sýnist Halldór. Skil ég þig rétt að þú sért hlyntur því að stjórnvöld ráði fréttaumfjöllun á RÚV? Eða ertu bara sár fyrir hönd Geirs hrokafulla?

[Halldór Halldórsson (IP-tala skráð) 25.11.2008 kl. 14:13]

Ég vil að til þess ráðinn starfsmaður, líklega fréttastjóri, á RÚV meti hvað á að sýna í fréttum RÚV hverju sinni.  G.Pétur Matthíasson var ALDREI í slíkri stöðu hjá RÚV af eðlilegum ástæðum.  Hann var ALDREI talinn HÆFUR til þess.  Ég hafði samskipti við G.Pétur á meðan hann vann í innheimtudeildinni hjá RÚV (já! hugsaðu þér, að þessi mikli postuli sannleikans og fjölmiðlafrelsis var einfaldur "handrukkari" afnotagjalda RÚV), þar sem hann sýndi hvern karakter hann hafði að geyma.  Þetta er sami karakterinn og sá sem telur það sjálfsagt að stela af vinnuveitendum og nýta það svo síðar, jafnvel miklu síðar eins og hér.  Ég býst við að karakter G.Péturs sé nú orðinn leiður á að vera bara "drullusokkur" hjá Vegagerðinni og leiti sviðsljóssins.

[Sigurður Hrellir, 25.11.2008 kl. 14:21]

Ertu viss um að þú eigir ekki einhverra harma að hefna Halldór?

[Bara Steini, 25.11.2008 kl. 14:40]

Þökk fyrir þetta.

[Halldór Halldórsson (IP-tala skráð) 25.11.2008 kl. 15:29]

Nei! Sigurður.  Ég á engra harma að hefna gagnvart téðum G.Pétri.  Ég hafði fullkominn "sigur" í máli mínu, en að vísu gáfu þeir sig ekki fyrr en eftir aðkomu Umboðsmanns Alþingis.

[Haraldur Bjarnason, 25.11.2008 kl. 16:46]

Sammála þér Siggi en Halldór hverju stal Pétur? - Málið er ofur einfalt . Höfundarréttur er ótvíræður. Pétur á höfundarrétt á öllu því sem hann hefur unnið fyrir RÚV.

[Landfari, 25.11.2008 kl. 22:24]

Haraldur minn, þú ert nú á einhverjum villigötum með þennan höfundarrétt þinn. Pétur var í vinnu hjá RÚV og hann tók ekki upp þetta myndbrot sjálfur. Ef RÚV gæfi eftir réttinn á því efni sem það lætur vinna á sinn kostnað þá væru sennilega bæði tökumaðurinn og Geir sjálfur á undan Pétri í röðinni.

En ég skil það vel að fréttastjóri RÚV hafi ekki viljað gera stofnuninni það að sýna þetta opinberlega. Það er hinsvegar auðvelt að skilja af hverju þessi "fréttamaður" er ekki lengur við störf.

[Jórunn (IP-tala skráð) 25.11.2008 kl. 23:18]

"G.Pétur Matthíasson var ALDREI í slíkri stöðu hjá RÚV af eðlilegum ástæðum.  Hann var ALDREI talinn HÆFUR til þess."

 - Hæfur að hvaða leiti? ...ekki nógu hliðhollur yfirboðurum sínum, (og) stjórnvaldinu? 

[Sigurður Hrellir, 26.11.2008 kl. 00:22]

Ég tel að G. Pétur hafi leyst þetta mál á mjög snjallan hátt með því að senda Páli spóluna og biðja þjóðina afsökunar, sjá bréfið hér.

Annars eiga fréttamenn að vera augu og eyru almennings. Stjórnmálamenn sem tala af hroka við fréttamenn eru í raun að tala af hroka til þjóðarinnar. Því miður er allt svoleiðis oftast klippt í burtu.

Nú, ef spólan og það sem á henni er tilheyrir RÚV, tilheyrir þá ekki minni fréttamannsins eða minnisblokkir RÚV þá líka? Dettur mönnum í hug að fréttamenn séu í þagnarbindindi nema því aðeins að útvarpsstjóri eða æðri menn í ríkisstjórninni leyfi þeim að tjá sig um samtöl?