Við hvað eru menn hræddir?

Mér finnst ekki skemmtilegt að lesa um þessa heimsókn Evrópunefndar ríkisstjórnarinnar til Brussel. Það var fyrirfram vitað að ekki væri pólitískur vilji fyrir því hjá ESB að opna fyrir aðild Íslands að myntbandalaginu. Olli Rehn er í raun bara að ítreka það sem áður hefur verið sagt af honum sjálfum og fleiri hátt settum mönnum sem spurðir hafa verið.

Nú á svo að kanna hvort að lagalegar hindranir séu fyrir hendi. Hins vegar komumst við hvorki lönd né strönd á lagalegum forsendum einum saman. Þetta sýnir hins vegar það að ríkisstjórnin er enn að spóla í sama farinu og treystir sér ekki til að taka af skarið.

Fyrir rúmum 5 mánuðum síðan var birt skoðanakönnun þar sem fram kom að rúmir 2/3 hlutar landsmanna vilja að ríkisstjórnin hefji undirbúning aðildarumsóknar. Það er hún hins vegar ekki að gera á meðan að hausnum er barið við steininn.

Að lokum þetta: Stór hópur fólks óttast um sjálfstæði þjóðarinnar ef aðild að ESB yrði að veruleika. Hins vegar virðast margir telja að núverandi fyrirkomulag EES samningsins plús aukaaðild að myntbandalaginu sé ákjósanleg leið. Með því móti værum við hins vegar búin að afsala okkur þátttöku í stefnumótandi umræðu um lagasetningu og fjármálastefnu. Lítið færi fyrir sjálfstæði okkar í þeirri stöðu.

Við hvað eru stjórnmálamennirnir hræddir?

Tvíhliða upptaka evru óraunhæf

Athugasemdir

[Fannar frá Rifi, 22.9.2008 kl. 22:38]

"afsala okkur þátttöku í stefnumótandi umræðu um lagasetningu og fjármálastefnu."

Við fengjum minni völd en Frjálslyndir hafa núna á Alþingi í afgreisðlu nýrra laga. 

þeir hafa 4 þingmenn af 63. við fengjum 4 af hvað? 500? eða var það 600 þingmönnum?

Þannig að réttari væri að samlíkingin ætti bara við Kristinn H. og áhrif hans á lagasettningu á Íslandi.

[Þorsteinn Sch Thorsteinsson (IP-tala skráð) 23.9.2008 kl. 00:10]

Fannar frá Rifi

Hvað skoðun hefur þú á þessu Nýja Heisskipulagi Gordon Brown New World Order Speech eða þessari hnattvæðingu þegar svo : Evrópusambandið(ESB /EU) , Afríkusambandið (AU), Asíusambandið ( Asian Union), Suður-Ameríkusambandið (SAU), Mið-Ameríkusambandið (CAU) og Norður-Ameríku Community SPP/NAFTA verður sem sagt sameinað undir eina alheimsstjórn "One World Governmet" eða New World Order? 

The Real New World Order

The New World Order is Here!

Ég er á því að það verður örugglega mjög erfitt að vera þarna efst á toppnum á þessu Tyranny Nýja Heisskipulagsins (New World Order) eða hjá Central Banks elítunni Committee of 300, Rockefeller og Rothschild liðinu.

[ESB, 23.9.2008 kl. 00:15]

Kæri Fannar,

Við fengjum sennilega 3 af tæplega 800 þingmönnum.  Þetta eru alls ekki svo slæm hlutföll því í dag höfum við engan þingmann á Evrópuþinginu.  Annars er ég sammála Sigurði Hrelli að við eigum ekki alltaf að hugsa um okkur sjálf.  Hér þarf að skoða heildarmyndinni til langs tíma.  Allar líkur eru á að vinir okkar í Tyrklandi og Albaníu fái líka inngöngu á næstu árum.  Það verður ekki leiðinlegt fyrir Ingibjörgu og Gísla Martein að sitja við hliðina á þingmönnum frá Albaníu á Evrópuþinginu.  Ræða þar lög og taka á móti kvörtunum. 

[Sigurður Hrellir, 23.9.2008 kl. 00:47]

Hvort er nú betra að hafa 4 þingmenn á Evrópuþinginu eða alls enga?

Fannar frá Rifi og fleiri hafa líklega ekki áttað sig á að Ísland fengi einn fulltrúa í Framkvæmdaráðið (European Commission) en þar hafa öll þátttökuríki einn fulltrúa í stjórn sem einnig hefði neitunarvald í sumum tilfellum. Ísland fengi einnig sæti dómara við Evrópudómstólinn og Íslendingar gætu loksins sjálfir komið málum sínum að á þeim bæ. Ennfremur yrðu trúlega um 300 Íslendingar starfandi við hinar ýmsu stofnanir ESB og gætu þar eflaust unnið að framgangi margra áríðandi mála fyrir land og þjóð. Ísland hefði þannig mest áhrif allra Evrópuþjóða innan ESB ef miðað er við höfðatölu.

Sem betur fer er Evrópuþingið ekki eins og Alþingi Íslendinga þar sem meirihlutinn tekur allar ákvarðanir og lætur álit minnihlutans sér í léttu rúmi liggja. Það að eiga engar raddir á Evrópuþinginu og nánast því enga fulltrúa í ráðum, nefndum og stofnunum ESB, það er eiginlega heimskulegra en að setja Árna Johnsen í fjármálaráðuneytið!

[Hjörtur J. Guðmundsson, 23.9.2008 kl. 21:39]

Það er alger óþarfi að velta fyrir sér leiðum til þess að taka upp evruna. Við höfum ekkert með hana að gera enda myndi hún seint taka tillit til hagsmuna og aðstæðna Íslendinga. Annars er í bezta falli óljóst hversu lengi evrusvæðið verður til, sbr.:

http://sveiflan.blog.is/blog/sveiflan/entry/649737/

Ég mæli sérstaklega með skýrslu hinnar Evrópusambandssinnuðu hugveitu Centre for European Reform frá því í september 2006 sem ber heitið "Will the eurozone crack?" þar sem varað er við því að evrusvæðið kunni að líða undir lok verði ekki gripið til róttækra umbóta innan aðildarríkja þess, umbóta sem nákvæmlega ekkert bólar á.

http://www.cer.org.uk/publications_new/688.html

[Anna Karlsdóttir, 23.9.2008 kl. 23:42]

Klukk