Friðum Framsóknarflokkinn!

Það er sitthvað sameiginlegt með Framsóknarflokknum og gömlu húsunum við Laugaveg sem Bingi vill gjarnan losa sig við. Allt eru þetta minnisvarðar um liðna tíð. Flokkurinn má muna fífil sinn fegri líkt og húsin tvö og er eiginlega að hruni kominn. Helsti munurinn er sá að húsunum hefur hrörnað á ytra byrðinu sökum vanhirðu á meðan að Framsóknarflokkurinn gengur um í fínum fötum en hefur rotnað innan frá.

Mín vegna mætti alveg friða Framsóknarflokkinn svo hann haldi áfram að vera upprennandi stjórnmálamönnum víti til varnaðar.

Björn Ingi úr Framsóknarflokki?