Hver er hin raunverulega ástæða??

Maður hlýtur að velta því fyrir sér hvaða persónulegu ástæður liggi að baki ákvörðun Þorkels. Sá mikli gassagangur sem hlaupinn er í menn út af jarðorkunni bendir til þess að gífurlegir gróðahagsmunir búi að baki.

Einn möguleikinn er sá að Þorkell vilji fría sig ábyrgð á einhverju ferli sem erfitt getur verið að snúa við eða réttlæta. Annar möguleikinn er sá að hann vilji sjálfur taka þátt í gullæðinu en hafi ekki getað það stöðu sinnar vegna. Svo er auðvitað sá möguleiki að hann hafi fengið val um að "hætta að eigin ósk" eða vera ýtt til hliðar.

Einhvern veginn á ég erfitt með að kaupa þá opinberu útskýringu að Þorkell vilji nú helga tíma sinn fræðamennsku og kosningamálum á þessum villtu tímum í orkuvímunni.

Þorkell hættir sem orkumálastjóri

Athugasemdir

[Sævar Einarsson, 12.9.2007 kl. 16:46]

Gæti ekki verið að hann sé kominn á aldur og ákveðið að fara að taka því rólega ?

[Ævar Rafn Kjartansson, 14.9.2007 kl. 22:13]

Eða að Greedy Green Energy Investments hafi lausa stöðu? Annars er Þorkell vandaður maður þannig að það er kannski frekar að hann ætli að taka afstöðu gagnvart græðgisvirkjanavæðingunni.