Laus staða fyrir Steingrím?

Það er gömul saga og ný að vald spillir og að algjört vald spillir algjörlega. Hverju skyldi Strauss-Kahn hafa tekið upp á í embætti forseta Frakklands?

Án þess að hægt sé á þessari stundu að fullyrða neitt til um sekt eða sakleysi þessa framagosa er þó ljóst að það væri ekki í fyrsta sinn að hann léti stjórnast af frumstæðum hvötum fremur en yfirvegun og skynsemi. Eins og fram kemur í annarri frétt þurfti hann fyrir 3 árum að biðjast afsökunar á að hafa misnotað konu kynferðislega sem var undir hann sett hjá AGS.

Hvað okkur Íslendinga varðar ættum við að gefnu tilefni að enda samstarfið við AGS, enda ljóst að niðurskurður í heilbrigðis- og menntakerfi er samkvæmt fyrirmælum sjóðsins. Helsti aðdáandi AGS hér á landi ætti einnig að íhuga að sækja um stöðu Strauss-Kahn enda búinn að berjast við slökkvistarf lengur en honum og okkur öllum er hollt.

Reyndar tel ég ólíklegt að Strauss-Kahn fái dóm fyrir að ráðast að fátækri ræstingarkonu. BNA er ekki réttarríki eins og aftaka Bin-Laden án dóms og laga, Guantanamo og meðferð Bradley Mannings hafa sýnt og sannað.

Færður fyrir dómara í dag

Athugasemdir

[Aðalbjörn Steingrímsson (IP-tala skráð) 15.5.2011 kl. 10:30]

Brilljant hugmynd, vægt til orða tekið. Þvílík landhreinsun ef af yrði og þá kynntist heimsbyggðin manni sem kann að nautna á lítilmagnanum, sem er aðalmerki AGS.

[Gunnar Skúli Ármannsson, 15.5.2011 kl. 13:40]

Hrellir, hvað hefur heimsbyggðin unnið til saka sem réttlætir þessa hugmynd þína?

[Jakobína Ingunn Ólafsdóttir, 15.5.2011 kl. 14:19]

Já ég get alveg séð Steingrím fyrir mér sveittan við að bjarga heimsbyggðinni úr efnahagsþrenginum. Efa ekki að hann haf viljann, þekkinguna og hæfnina til þess . Gunnar Skúli þú veist að það skiptir engu máli hvernig almúginn hefur það. Aðalatriðið er að Steingrímur fái að sanna sig sem töffari. Þú þarft að koma forgangsröðuninni á hreint

[Gunnar Skúli Ármannsson, 15.5.2011 kl. 20:27]

takk Jakobína..

[Guðmundur Ásgeirsson, 20.5.2011 kl. 10:04]

Við þurfum ekki bara að hætta í AGS-prógramminu heldur þurfum við að segja okkur úr sjóðnum til að koma megi á nauðsynlegum umbótum.