Eru ályktanir Alþingis orðin tóm?

Ég hef sagt það áður og ég segi það enn: Ísland á að veita Julian Assange skjól og bjóða honum ríkisborgararétt í einum grænum.

Í sumar var samþykkt þingsályktun á Alþingi þar sem segir í upphafi: "Alþingi ályktar að fela ríkisstjórninni að leita leiða til að styrkja tjáningarfrelsi, málfrelsi, upplýsingamiðlun og útgáfufrelsi auk þess sem vernd heimildarmanna og afhjúpenda verið tryggð".

Svo gæti hæglega farið að okkar eigin landsmenn yrðu sömuleiðis fyrir barðinu á alríkisstjórninni fyrst hún á annað borð virðist ætla að brjóta Wikileaks niður með fantabrögðum og lögleysu.

Hér má sjá nánar um það sem er í gangi:

http://www.armycourtmartialdefense.info/2010/12/typical-day-for-pfc-bradley-manning.html

http://www.democracynow.org/2010/12/16/alleged_wikileaks_whistleblower_bradley_manning_imprisoned

Og hér er svo tengill á ágæta heimildamynd um Wikileaks frá sænska sjónvarpinu:

http://svtplay.se/v/2264028/wikirebels_the_documentary

Þessi mynd sýnir ljóslega hversu margir Íslendingar hafa tekið þátt í starfsemi Wikileaks, ekki síst hinu óhugnanlega myndbandi frá Baghdad. Gleymum ekki þætti Íslands í þessu kaldrifjaða stríði.

Og hér er svo jólamyndin í ár, nöturlegur sannleikurinn um fjölmiðla, splunkuný heimildamynd í boði Láru Hönnu sem ég mæli mjög eindregið með:

http://blog.eyjan.is/larahanna/2010/12/20/sannleikurinn-og-fjolmiðlarnir

Julian Assange kosinn maður ársins

Athugasemdir

[Gunnar Th. Gunnarsson, 23.12.2010 kl. 00:18]

Vinstrimenn hafa blaðrað ábyrgðarlaust í stjórnarandstöðu alla tíð. Yfirlýsingarnar og fyrirheitin hjá þeim við slíkar aðstæður eru einskis virði.

Þessi ríkisstjórn hangir á lyginni einni saman. Allir sjá að hún er sundruð og óstarfhæf en valdaþráin var orðins svo svæsin, að þeir hanga á þessu eins og hundar á roði. Enda veit þetta fólk að það fær ekki fleiri tækifæri, ef (þegar) það hrökklast frá.

Þeir sem fengu kosningarétt í fyrsta sinn á áttunda áratugnum, þekkja ekki raunverulegt eðli þessa fólks. En nú þurfa vinstrimenn að bíða í a.m.k. 20-30 ár eftir öðru tækifæri. Þá verður vaxin úr grasi ný kynslóð sem auðvelt er að blekkja.

[Sigurður Hrellir, 23.12.2010 kl. 01:04]

Gunnar, gefðu þér tíma og horfðu á þessa mynd sem Lára Hanna setti á síðuna sína. Þetta er alvöru heimildamynd sem hringir mörgum viðvörunarbjöllum.

Ég skal fúslega taka undir margt af því sem þú segir. Það þarf að spúla flórinn bæði vinstra megin og hægra megin í stjórnmálunum. Ekki síst bak við tjöldin.

[Gunnar Th. Gunnarsson, 23.12.2010 kl. 01:42]

Já ég hlakka til að kíkja á þetta... sennilega ekki fyrr en á morgun.

Og veistu, ég get líka tekið fúslega undir með þér "það þarf að spúla flórinn bæði vinstra megin og hægra megin í stjórnmálunum." Þetta með "bak við tjöldin" er sennilega dálítið snúið, nema e.t.v. með einhverjum kommúnista eða fasistaaðferðum.

[Sigurður Hrellir, 23.12.2010 kl. 02:00]

Nei Gunnar, það snýst bara um það að almennir félagsmenn í stjórnmálaflokkum láti ekki einhverja valdaklíku stjórna öllu bak við tjöldin. Þetta er m.ö.o. krafan um gagnsæi og virkt lýðræði sem krefst aukinnar þátttöku almennings.

Ótrúlegt annars hvað við erum farnir að vera sammála um margt...

[Gunnar Th. Gunnarsson, 23.12.2010 kl. 02:50]

Já, ég er farinn að hafa áhyggjur af þessu.... verð að segja það

[Gunnar Th. Gunnarsson, 23.12.2010 kl. 02:52]

En vandamálið er einmitt þáttökuleysi almennings. Sjáðu t.d. verkalýðshreyfinguna  ..Verulegt vandamál

[Gunnar Th. Gunnarsson, 23.12.2010 kl. 02:54]

Fólk er tilbúið að brjóta allt og bramla í miðbænum, en að taka þátt í málefnalegu starfi.... ekki séns

[Vilhjálmur Örn Vilhjálmsson, 23.12.2010 kl. 04:49]

Meintan nauðgara til Íslands. Já takk. Er ekki annars nóg af þeim?