Ráðist á garðinn þar sem hann er lægstur

Mikið væri nú gaman ef allir væru jafnir fyrir lögum. PayPal, Amazon, MasterCard og VISA ákváðu án útskýringa að loka á Wikileaks og stoppa frjáls framlög einstaklinga til félagsins. Ekkert hefur heyrst af aðgerðum lögreglu til að hindra fyrirtækin í að brjóta samninga og neyta aflsmunar, en litla tölvustráka elta "laganna" verðir uppi og rífa af þeim fartölvurnar.

Íslenskrir fjölmiðlar eru ekki skömminni skárri og gefur orðfæri þeirra og val á fyrirsögnum hugmynd um að stórfyrirtækin hljóti að hafa lögin sín megin:

mbl.is: MasterCard_lokar á Wikileaks
dv.is: PayPal lokar Wikileaks

en hins vegar:

visir.is: Tveir tölvuþrjótar handteknir vegna Wikileaks-árásanna

Skyldi þetta vera afleiðing langvarandi meðvirkni? Allt sem greiningardeildir bankanna sálugu sendu fjölmiðlum átti greiða leið til almennings og sjaldnast fóru fréttamenn að gagnrýna hina glæstu bankaspekinga. Skyldu fjölmiðlamenn eitthvað hafa lært?

Tölvuhakkari laus úr haldi lögreglu

Athugasemdir

[Sölvi Borgar (IP-tala skráð) 13.12.2010 kl. 01:00]

Mikið er ég hjartanlega sammála þér.

[Durtur, 13.12.2010 kl. 01:02]

Ég skil hvað þú ert að fara og er alfarið þín megin í þessu en ég held að það sé ágætismöguleiki á að WikiLeaks lokanirnar hafi verið löglegar: í samningunum eru ótalmargar leiðir (hvað lesa margir alla skilmálana vandlega yfir?) fyrir þessi fyrirtæki að hætta viðskiptum við fólk/samtök/fyrirtæki umsvifalaust, t.d. ef maður gefur rangar upplýsingar. WikiLeaks er náttúrulega skráð á svo mörgum stöðum og allt voða duló þannig að mér finnst alveg raunhæft að kortafyrirtækin og PayPal hafi bara fundið eitthvað sem stemmdi ekki í samningunum.

Eða þá að þeir hafi bara treyst á það að það væri eitthvað í samningunum sem leyfði þeim þetta og núna sitji heill her lögfræðinga sitt hvorum megin við borðið, með sveitta skallana að fara yfir samningana og skimálana til að finna leið til að hnekkja þessu eða staðfesta það.

Hvernig sem þetta fer held ég að það sé klárt mál að blaðamennska er meira eða minna dauð. Al-Jazeera stendur ein eftir af þessum stóru fréttamiðlum.

Spyrjum að leikslokum.

[Garðar Valur Hallfreðsson, 13.12.2010 kl. 11:36]

Ég er sammála þér Durtur, þ.e.a.s. að fjölmiðlamennska er að breytast, að mínu mati til batnaðar.  Þrátt fyrir allt það álit sem menn hafa á Wikileaks þá sjá þeir klárlega um að birta öll þau gögn sem þeim er látið í té og birta þau algjörlega hlutlaust, takið eftir því HLUTLAUST.  Wikileaks hafa meira að segja gengið svo langt að bjóða til samstarfs að taka út gögn sem geta sett fólk í hættu, þurrkað út staðsetningar eða nöfn einstaklinga eða hvaeina.  Ég held einmitt að Wikileaks hafi vakið marga menn sem eru ekki tilbúnir að éta allt upp úr "main stream media" og taka hlutum með fyrirvara, með þessu eru Wikileaks að stuðla að gagnsæi frétta og flutnings þeirra.  Blakaldar staðreyndir liggja í gögnum.  Þetta er svipað og Rannsóknarskýrsla Alþingis, við sem skrifuðum skýrsluna ætlum ekki að leggja dóm okkar í þessi mál, "hérna eru staðreyndirnar, þið skuluð sjálf vinna úr þeim..."

Mér finnst að menn eigi ekki gefa sig í þessum, jafnvel þótt einhver ætli að lögsækja annanfyrir að nota ekki smokk við samfarir...