Eitthvað fyrir RÚV

Póker auglýstur á barnasýningu

Athugasemdir

[Jón Steinar Ragnarsson, 16.2.2010 kl. 09:37]

Takk fyrir þetta Siggi. Með því fyndnara sem ég hef séð lengi. Samt svo sorglega nálægt sannleikanum.  Það þarf að taka verulega til í þessari stofnun. Ég er svo reiður yfir þessari þróun mála að ég get tæpast tjáð mig um það. 

[Sigurður Hrellir, 16.2.2010 kl. 10:23]

Sæll Jón,

Meira að segja ég á óskemmtilegar endurminningar frá fundum með dagskrárstjórum Sjónvarpsins. Í eitt skiptið var ég að kynna hugmynd að verkefni og fékk þá að heyra að ég gæti ekki reiknað mér sjálfum nein laun fyrir. M.ö.o. var enginn áhugi fyrir hendi nema að ég gerði þetta frítt. Að vísu kom dagskrárstjórinn ekki með breytingatillögur líkt og sá í myndbandinu.

Í annað skipti fór ég með hálftíma stuttmynd sem var tilbúið lokaverkefni úr Danska Kvikmyndaskólanum til dagskrárstjóranna, fyrst hjá innlendri dagskrárgerð en hann vísaði mér yfir í innkaupa- og markaðsdeild. Þar tók við Hinrik Bjarnason sem sagði það prinsippmál að sýna aldrei nein skólaverkefni. Hann horfði aldrei á þessa stórfínu mynd en leikstjóri hennar er heimsfrægur í dag, Thomas Vinerberg höfundur "Festen". Ég velti því fyrir mér á þeim tíma hvort það væri líka prisippmál hjá Hinrik að sýna aldrei góðar myndir.