Heimóttarkórinn

18.2.2009 | 01:15

Ýmsum andstæðingum ESB aðildar er tíðrætt um þann mikla áróður sem þeir telja sig sjá fyrir aðildarviðræðum Íslendinga við sambandið. Mér hefur reynst erfitt að koma auga á allan þann áróður.

Í athugasemdadálki við þessa frétt taldi ég 13 svipaðar færslur frá þessum háværa einradda kór.

Fólk sem telur sig vita betur en aðrir og hafnar viðræðum, umræðum og þjóðaratkvæðagreiðslum á vissulega best skilið að búa á köldu skeri út í ballarhafi, einangrað frá helstu nágrannaþjóðum sínum. En ekki ætla ég að deila þeirri vist með þeim.

	Vill Ísland í Evrópusambandið
Ábyrgðarmaður færslu Tilkynna um óviðeigandi tengingu við frétt

Flokkur: Stjórnmál og samfélag | Breytt s.d. kl. 01:29 | Facebook

Athugasemdir

,,En ekki ætla ég að deila þeirri vist með þeim."

Farvel Frans...

Sigurjón, 18.2.2009 kl. 02:50

Uppástunga:

http://kht.blog.is/admin/blog/?entry_id=807080

Hjalti Tómasson, 18.2.2009 kl. 11:38

Þetta er hrein og tær snilld. Þessu var ég búinn að gleyma. En erum við ekki sammála um að það megi ræða hvað okkur stendur til boða við núverandi aðstæður ? Það getur meir en verið að innganga í EB verði niðurstaðan en ekki vildi ég þurfa að svara fyrir þá ákvörðun eftir 10 til 15 ár ef í ljós kemur að við höfum tekið ranga ákvörðun. Það væri soldið eins og að vera pólitíkus í dag og þurfa að svara fyrir aðdraganda hrunsins. Við þurfum ekki að endurtaka þann þátt í lífi okkar. Ræðum fleiri kosti ( ef þeir eru til staðar ) en festumst ekki í trúarbragðadeilum um EB, annaðhvort ertu með eða á móti.

Hjalti Tómasson, 18.2.2009 kl. 22:39

Á hvaða hátt erum við "á köldu skeri út í ballarhafi, einangruð frá helstu nágrannaþjóðum", Sigurður? Er einangrun fólgin í sjálfstæði fremur en samgönguleysi? Vorum við t.d. einangruð frá hinum Norðurlandaþjóðunum árið 1970 eða 2000? Voru ekki mikil menningar- og viðskiptaleg samskipti milli þessara þjóða, gríðar mikil ferðalög, gagnkvæmar námsdvalir og m.a.s. tvíhliða réttur til atvinnu og bóta? Hvaða einangrun ertu að tala þarna um? Einangrun frá Sælulandinu? En er Evrópubandalagið Sælulandið í þínum augum, Sigurður? Og ertu í alvöru að hugsa um framboð með það efst á óskalistanum?

Annars þurfum við að ræða saman.

Jón Valur Jensson, 19.2.2009 kl. 19:58

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

"Fólk sem elskar peninga ætti að helga sig iðnaði, viðskiptum, að auka auðinn. En stjórnmál snúast um að tryggja öllum hamingju." - José Mujica, forseti Úrúgvæ.