Bæjarstjóri með skoðanir og hugmyndir!

Athyglisvert er að heyra það haft eftir Alcan forstjóranum að bæjarstjórinn í Hafnarfirði stingi sjálfur upp á stækkun álversins í Straumsvík á landfyllingu. Var það ekki þessi sami bæjarstjóri sem ákvað að íbúar Hafnarfjarðar ættu að ráða um stækkun? Var það ekki þessi sami bæjarstjóri sem vildi aldrei gefa upp skoðun sína í aðdraganda kosninganna? Nú hlýtur skoðun hans að liggja í augum uppi en hvernig samræmist hún "Fagra Íslandi"?

Engin ákvörðun hefur verið tekin um aðra staðsetningu álvers

Athugasemdir

[Jónas Guðmundsson (IP-tala skráð) 21.6.2007 kl. 17:58]

Fagra Ísland, er e.t.v. ekkert minna fagurt, þrátt fyrir álver á landfyllingu, eða  í Þorlákshöfn.  Það er hvort sem er forljótt álver í Straumi, getur varla skipt máli fegurðarlega séð, hvort það er aðeins stærra eða minna.  Fegurð Þorlákshafnar er vissulega umdeilanleg. Varðandi mengun, get ég vel skilið íbúa Hafnarfjarðar að vilja ekki frekari stækkun, sérstaklega þá sem búa í Vallarhverfinu.  Hins vegar er ljóst að nægir kaupendur eru að raforkunni, svo það verður virkjað á landinu hvort sem er.  Bara spurning hvar álverið verður.  Menn skyldu reyna að horfa raunsætt á hlutina, í heildarsamhengi við atvinnuþróun og efnahagshorfur.  Án þess að tapa sér í moldar rómantík.  Það má sjálfsagt hægja á þróuninni, frekar en að stöðva hana alveg.  Afstaða bæjarstjórans er dæmigerð fyrir tækifærispólitíkus.  Hann þorir ekki að vera á móti, það eru svo margir efnamenn, sem e.t.v. leggja í flokkssjóðinn, sem eru meðmæltir stækkun.  Hins vegar þorir hann ekki heldur að taka afstöðu alfarið með Alcan, því hann er svo skíthræddur um að tapa næstu kosningum út á stuðninginn.  Dæmigert fyrir gungu augnabliksins.  Hvernig stendur á því að þessi "framsóknarmaður" er bæjarstjóri ?