Harðsvírað

Hæstiréttur dæmdi gengistryggingu lána í íslenskum krónum ólöglega. Með því staðfesti hann það sem Samtök fjármálafyrirtækja höfðu vitað síðan 2001, sjá hér. Fjármálafyrirtækin ákváðu sjálf að fara ekki eftir lögum um vexti og verðtryggingu þegar þau buðu viðskiptavinum sínum að taka gengistryggð lán.

Á meðan að beðið er eftir endanlegri niðurstöðu dómstóla hvort leyft verði að endurskoða vaxtaákvæðin í ljósi hinnar ólöglegu gengistryggingar, ættu fjármálafyrirtækin að sjálfsögðu að sjá sóma sinn í að rukka ekki afborganir af þessum lánum. Hvernig svo sem málið endar er ljóst að brotaþolarnir hafa nú þegar verið látnir greiða langt umfram það sem réttmætt er.

Fjármálaeftirlitið og Seðlabankinn brugðust bæði eftirlitsskyldu sinni í þessu tiltekna máli, ásamt Neytendastofu og Viðskiptaráðuneytinu. Það er engin sanngirni í því að þessar stofnanir leggi nú til að fólk sem greitt hefur langt umfram réttmæti skuli áfram eiga að greiða upphæðir sem eru hærri en löglegi hluti samninganna segir til um.  Auk þess er verið að flækja málið að óþörfu því að hver segir að dómstólar muni fallast á þessa niðurstöðu?

Sjaldan hefur maður orðið vitni að annarri eins meðvirkni. Einbeittur brotavilji?

Miða við lægstu vexti á hverjum tíma

Athugasemdir

[Sumarliði Einar Daðason, 30.6.2010 kl. 09:56]

Þetta er alveg ótrúleg valdníðsla af hálfu yfirvalda. Enn og aftur sannast hið fornkveðna: "Allir eru jafnir nema sumir eru jafnari en aðrir!"

[Ágústa Sigrún Ágústsdóttir (IP-tala skráð) 30.6.2010 kl. 10:26]

Hjartanlega sammála.  Þetta er mikið áfall fyrir neytendur, sama hvort sem þeir erum með gengistryggð lán eða verðtryggð.   Það er markvisst verið að vinna í því að reka fleyg á milli landsmanna og etja okkur gegn hvort öðru.  Neytendur, lánþegar og skuldarar, við þurfum að standa saman gegn spilltu fjármálakerfi.  Loksins þegar hanskinn er tekinn upp fyrir neytendur, koma stofnanir sem hafa legið í hýði og hagræða niðurstöðum hæstaréttar.  Dómarnir voru alveg skýrir, kristaltærir, og meira að segja tekin afstaða til þess að ekkert kæmi í staðinn og engum vöxtum skyldi breytt í einum þeirra.  Það er svoleiðis verið að vanvirða réttlætiskennd mína að ég veit ekki hvort hún bjóða þess nokkurn tíman bætur.  Fer fram á skaðabætur fyrir laskaðar réttlætiskennd...

[Sigurður Helgason, 30.6.2010 kl. 10:57]

þeir banna mótorhjóla samtök, til að koma í veg fyrir samkeppni,

Er það ekki brot á samkepnislögum 

[Steinar Immanúel Sörensson, 30.6.2010 kl. 14:53]

Ríkisstjórn sem brýtur vísvitandi á Stjórnarskránni er fallin, henni ber tafarlaust að víkja þvi hún getur ekki haft umboð til að starfa fyrir þjóðina þvi umboðið felst í þvi að starfa skv Stjórnarskránni.

Því er það mitt mat sem lögdindils að Ríkisstjórnin hafi nú með þvi að samþykkja tilmæli Seðlabanka og Fmr sagt af sér