Í boði Flokksins

Ég ætla nú rétt að vona að Katrín mæti aftur næsta laugardag og fylgi ræðunni eftir.

Annars finnst mér þessar kvartanir nema við HR vera þeim til skammar. Hvað nú ef einhver þeirra sjálfra hefði haldið innblásna ræðu á fjölmennum fundi fyrir ári síðan þar sem nýfrjálshyggja hefði verið umræðuefnið? Eru þetta eintómir plebbar sem ekki þurfa að leggja mikið á sig í náminu til að fá öruggt starf á vegum Flokksins?

Óánægð með ræðu á heimasíðu

Athugasemdir

[Katrín Snæhólm Baldursdóttir, 27.11.2008 kl. 10:19]

Það vita auðvitað allir að það er byrjað að bera víurnar í verðandi lögfræðinga alveg frá fyrsta ári með feitum veislum og mörgum drykkjum. Hollustan er dregin úr hverju skúmaskoti og tengslin í klíkurnar styrkt. Þetta er eitt af því sem allir vita en fáir tala um. Bara ofurvenjuleg íslensk leið.

[Ottó (IP-tala skráð) 27.11.2008 kl. 10:19]

Ég held nú reyndar að það sé verið að mótmæla rangfærslum og undarlegum lagatúlkunum í ræðu hennar.  Stjórnmálaskoðanir nemenda skipta hér engu máli en ég meina, ef þú vilt vera ómálefnalegur eins og hún Katrín þá geturðu náttúrulega kallað okkur öll plebba.

[Sigurður Hrellir, 27.11.2008 kl. 10:38]

Katrín, takk fyrir síðast. Konan mín er lögfræðingur við lagadeild HÍ og hefur oft haft orð á þessu með veislurnar og laganemana. Fæstir þeirra velja að fara í langt framhaldsnám því að þeir hafa getað valið úr vel borguðum störfum áður en náminu lauk.

Ottó, sjálfur er ég ekki ýkja fróður um lög en tel þó að Katrín hafi gætt þess að fara ekki með fleipur. En ef þú ert áhugamaður um einkennilegar lagatúlkanir og stjórnarskrárbrot ættir þú ef til vill að kynna þér neyðarlög ríkisstjórnarinnar sem enn eru í fullu gildi.

[Ottó (IP-tala skráð) 27.11.2008 kl. 11:09]

Fyndið að þú látir í það skína að ég sé hlynntur neyðarlögunum.  Persónulega tel ég að bankarnir hefðu átt að fara í gjaldþrot fremur en þjóðnýtingu.  Það er eins og þú gefir þér að þeir sem gagnrýna rökfærslur einhverra í mótmælunum séu sérstakir útsendarar sjálfstæðisflokksins.  Mér finnst sá flokkur reyndar ekki ýkja merkilegur, frekar en aðrir flokkar.

[Sigurður Hrellir, 27.11.2008 kl. 11:54]

Ottó, ég hélt því reyndar ekki fram að þú værir hlyntur neyðarlögunum, þjóðnýtingu bankanna, hvað þá ríkisstjórninni ef út í það er farið. Til þess hef ég engar forsendur. Mér finnst hins vegar að þú mættir benda á það sem þú kallar rangfærslur og undarlegar lagatúlkanir í ræðu Katrínar frekar en að tala um ímyndaðar skoðanir mínar á þér.

Skorrdal, þér er fyrirgefið orðbragðið. Sjálfur vil ég sjá algjörlega endurnýjun kerfisins eins og þú. Hér ríkir e-s konar fyrirgreiðslulýðræði. Fólk þarf að undirrita samning við djöfulinn sjálfann til þess að koma sínum málum áleiðis.

[Jakobína Ingunn Ólafsdóttir, 27.11.2008 kl. 13:26]

Mér fannst ræða Katrínar kraftmikil og skorinort. Ríkisstjórn Íslands hunsar stjórnsýslulög, jafnréttislö, mannsréttindi, stórnarskrána og vilja almennings. Hegðun ríkisstjórnarinnar í dag er eins og hegðun gjörspilltra ríkisstjórna sem sitja fast við völd í skjóli aðila sem hefur hana að handbendi. Ég skil ekki fólk sem vill vega að málfrelsi annarra.

Við Ottó segi ég leyfðu konum að tala. Þeir mega líka tala öðruvísi en þú myndir tala.