EuRÚVision

Sú hugsun verður stöðugt áleitnari á hvaða vegferð RÚV er. Góðum fréttamönnum er sagt upp eða synjað um fastráðningu. Stofnunin sem hefur ríkum skyldum að gegna samkvæmt sérstökum lögum og þiggur fyrir það skattfé frá almenningi ætlar ekki að vera með neinar kynningar á frambjóðendum til stjórnlagaþings. Alls engar! Í stað þess að grípa það fegins hendi að senda út ótal margar ódýrar klukkustundir af umræðum um efni stjórnarskrárinnar ætlar stofnunin að segja pass og senda út lélegar amerískar sápuóperur og endursýna áramótaskaup frá síðustu öld.

Ég á örlítinn hlut í Ríkisútvarpinu ohf og mér er ekki sama um það hvernig ákvarðanir eru teknar þar á bæ. Reyndar tel ég stjórnendur hafa klúðrað málum oftar og meir en þeir ættu að fá tækifæri til. Sú ákvörðun að reka hinn ágæta fréttamann Þórhall Jósepsson fyrir bókaskrif er dæmi um slíkt.

Bókaskrif leiddu til uppsagnar

Athugasemdir

[Andrés.si, 10.11.2010 kl. 00:17]

Nákvæmlega Siggi. Þetta einka fyritæki á ekki skilið að fá greitt frá almenningi.

[Einar Guðjónsson, 10.11.2010 kl. 00:23]

Er nú ekki sammála þér þarna. Finnst hann fara yfir strikið og hefði átt að fara fram á leyfi frá störfum. Sem hlustanda stendur mér ekki á sama um þetta. Ætla ekki að leggja neitt mat á störf hans sem fréttamanns en hef ekki náð að taka hann trúanlegan því hann kom úr starfi pólitískts aðstoðarmanns ráðherra. Hann var því alltaf út úr kú.

[Anna Dóra Gunnarsdóttir, 10.11.2010 kl. 00:42]

Það eru að verða frekar gömul tíðindi að ríkisútvarpið fari illa að ráði sínu og kasti góðu starfsfóli út á hjarn.  Sjónvarpið er að gera ágæta hluti inn á milli, en útvarpið hefur ekki af neinu að státa lengur á þeim tíma sem ég get hlustað.  Mér finnst ég alveg hafa efni á að nöldra svolítið um þessa stofnun, því að mér er gert að greiða fyrir afnot af þessu, hvort sem ég nota það eða ekki.  Í morgunútvarpi allra landsmanna, eins og það hefur stundum verið kallað, sitja til dæmis í öll virk morgunsár nokkrir kjaftagleiðir aðilar og ræða sín á milli um einhverja frú Unit í USA, hringja svo rándýr símtöl í hana og fá þannig frá henni pistla um það hvað David Hasselhof sagði við kærustu vinar síns og hve mikill ruddi Mel Gibson er orðinn.  Þess á milli er spiluð tónlist sem stundum er ekki svo leiðinleg.  Það væri kannski bara betra að sleppa talaða orðinu og spila eingöngu tónlist.  Um helgar mætir svo Sirrý með sína engilblíðu (mér finnst hún alveg afspyrnu leiðinleg) og svo koma Bergson og Blöndal, sem bæði eru bráðskemmtileg, en þau virðast hafa gleymt að í landinu býr fleira fólk en leikarar, rithöfundar og sportveiðimenn.  Lengra nær hlustun mín varla, því að ég er mjög tímabundin að öllu jöfnu.  Á kvöldin sest ég svo kannski niður framan við sjónvarpið og hugsa mér gott til glóðarinnar.  Og þar finnst mér dagskráin mun skárri, jafnvel bara skemmtileg á köflum.  Þeir kaflar heita m.a. Himmelblå, Útsvar, Kastljós, Fréttir og Hæ Gosi.  Ég horfði einu sinni á örstutt brot úr Hringekjunni og mér er ennþá óglatt.  Mér þótti Barnaby eitt sinn alveg fínn, en þegar maður sér sama þáttinn þrisvar sinnum í viku, verður hann ekkert fínn lengur, enda ekkert fengið með því að læra breska sakamálamynd utan að. 

[Einar Guðjónsson, 10.11.2010 kl. 17:03]

Heyrði í dag að Þórhallur og Ólafur Teitur  hefðu verið ráðnir fréttamenn af Markúsi Erni og í raun framhjá stjórnandanum Kára Jónassyni. Núverandi fréttamaður hjá RÚV tjáði mér þetta

[Sigurður Hrellir, 10.11.2010 kl. 19:26]

Einar, það kann vel að vera að þetta sé satt. Þá er það ekki í eina skiptið sem einhver er ráðinn til RÚV án þess að það sé á faglegum forsendum. Flestir ef ekki allir yfirmenn á RÚV hafa verið ráðnir á annarlegan hátt, þ.á.m. Páll Magnússon. Hins vegar hefur Þórhallur sýnt það og sannað að hann sé vel hæfur og reyndar rúmlega það að mínu mati.

---

Svo kemur þetta með Láru Hönnu daginn eftir. Það þyrfti að vísa mörgum föstum gestum frá ef það sama á yfir alla að ganga, t.d. Guðmundi Ólafssyni, einum harðasta talsmanni Jóhönnu og co.